تەبىئىي ئىممۇنىتېت

بىئولوگىيە جانلىقلارنىڭ ئۇزۇن مەزگىل تۈر سىستېمىسى بويىچە يېتىلىش ۋە تەدرىجىي تەرەققىي قىلىشى جەريانىدا پەيدىنپەي شەكىللەنگەن ئىممۇنىتېت كۈچى. بۇ ئىممۇنىتېت كۈچى ئىندىۋىتتا تۇغۇلغاندىلا، ئاندىن نەسلىگە ئۆتىدىغان بولغاچقا، تۇغما ئىممۇنىتېت دەپمۇ ئاتىلىدۇ. ئىنسانلاردىكى تەبىئىي ئىممۇنىتېت تېرە ۋە شىللىق پەردە توسۇقى، يۇتقۇچى ھۈجەيرىلەردە، نورمال تەن سۇيۇقلۇقىدىكى مىكرو ئورگانىزمغا قارشى ھەر خىل ماددىلار (كومپلېمېنت، باكتېرىيە ئېرىتكۈچى ئېنزىم، ئىنتېرفېرون) قاتارلىق فاكتورلارنى ئۆز ئىچىگە ئالىدۇ. تەبىئىي ئىممۇنىتېت ئامىللىرىنىڭ ھەر خىل مىكرو ئورگانىزملارغا بەلگىلىك دەرىجىدە قارشى تۇرۇش كۈچى بولىدۇ، ئالاھىدە تاللاش خۇسۇسىيىتى بولمايدۇ، شۇڭا بۇلار ئالاھىدە بولمىغان ئىممۇنىتېتقا كىرىدۇ.