سولومون

دۇنيا تارىخى ئىسرائىلىيە - يەھۇدىي پادىشاھلىقىنىڭ پادىشاھى (تەخمىنەن مىلادىدىن ئىلگىرى 930 - 960). پادىشاھ داۋىدنىڭ ئوغلى. ئۇ ئۆزىنىڭ ئاكىسى ئادونىيانى ئۆلتۈرۈپ تەختنى تارتىۋالغان. تەختتە ئولتۇرغان مەزگىلدە سودا - سانائەتنى راۋاجلاندۇرۇپ تاشقى سودىنى كېڭەيتكەن؛ دۆلەت ھاكىمىيىتىنى كۈچەيتىپ، 12 مەمۇرىي رايونغا بۆلۈپ، باج ئېلىش ۋە ئولپان ئېلىش تۈزۈزمىنى ئورناتقان؛ دائىمىي ئارمىيىنى كۈچەيتىپ، جەڭ ھارۋىسى قوشۇنىنى تەييارلىغان؛ مىسىر فىرئەۋىنى بىلەن ئىتتىپاق تۈزگەن ھەمدە فىرئەۋىننىڭ قىزىنى خوتۇنلۇققا ئالغان؛ تىر پادىشاھى خىرام Ⅰ بىلەن سۈلھ تۈزۈشكەن، خىرام ئۇنىڭغا كۆپلىگەن كىپارىس دەرىخى بەرگەن، سولومون ئۇنىڭغا 20 شەھەر ئىنئام قىلغان. كەڭ كۆلەمدە قۇرۇلۇش ئېلىپ بېرىپ، ئېرۇسالىمنىڭ سىئۇن تېغىدىكى ھەشەمەتلىك ئوردا ۋە داڭلىق يەھۋا ئىبادەتخانىسى قاتارلىقلارنى بىنا قىلدۇرغان. ئۇ ھۆكۈمرانلىق قىلغان دەۋر قەدىمكى ئىسرائىلىيە - يەھۇدىي پادىشاھلىقىنىڭ گۈللەنگەن دەۋرى دەپ ئاتالغان. <تەۋرات>تا سولومون مەدھىيلىنىپ، دانا پادىشاھ دەپ تەرىپلەنگەن.