ئورۇن يۆتكىلىش

بىئولوگىيە خروموسومىلارنىڭ بىر خىل غەيرىي ئۆزگەرگەن تىپى. خروموسومىنىڭ مەلۇم بىر بۆلىكى بۆلۈنگەندىن كېيىن، ئوخشاش بىر تال خروموسومىنىڭ باشقا ئورنى ياكى ئوخشاش مەنبەلىك باشقا بىر تال خروموسومىغا ئوڭ ياكى تەتۈر يۆنىلىشتە تۇتىشىدۇ. بۇنىڭ ئالدىنقىسى خروموسوما ئىچىدە ئورۇن يۆتكىلىش، كېيىنكىسى خروموسوما ئارىلىقىدا ئورۇن يۆتكىلىش دەپ ئاتىلىدۇ. ئەگەر بىر تال خروموسومىنىڭ بۆلىكى باشقا بىر ئوخشاش بولمىغان خروموسومىغا يۆتكەلسە، بىر يۆنىلىشلىك ئورۇن يۆتكىلىش دەپ ئاتىلىدۇ، ئەگەر ئوخشاش مەنبەلىك بولمىغان ئىككى تال خروموسوما، خروموسوما بۆلەكلىرىنى ئۆز ئارا ئالماشتۇرسا، ئۆز ئارا ئورۇن يۆتكەش دەپ ئاتىلىدۇ. ئورۇن يۆتكىلىش گېنى ئورۇنلىرىنىڭ ئۆز ئارا ئۆزگىرىشىنى كەلتۈرۈپ چىقىرىدۇ. شۇڭا بەزى ئالاھىدە ئىرسىيەت ئېففېكتى (ئۈنۈمى) ھاسىل بولىدۇ.