ئافېنا ئون گېنېرال يىغىنى

雅典十将军会 yǎ diǎn shí jiāng jūn huì قەدىمكى ئافېنانىڭ ئەڭ ئالىي ھەربىي ئاپپاراتى. تەخمىنەن مىلادىدىن ئىلگىرىكى Ⅵ ئەسىرنىڭ ئاخرىىدا، كلېستېنېس ھاكىمىيەت ئىگىلىگەن مەزگىلنىڭ ئاخىرقى يىللىرىدا تەسىس قىلىنىپ، ھەر يىلى ئون قەبىلىنىڭ ھەر بىرىدىن بىر نەپەر گېنېرال (ستراتېگوس) سايلىنىپ تەشكىل قىلىنغان. دەسلىپىدە ھەر بىر گېنېرالنىڭ ھوقۇقى باراۋەر بولۇپ، ھەربىي چوڭ ھوقۇقنى نۆۋەت بىلەن ئىگىلىگەن. يۇنان - پېرسىيە ئۇرۇشىدا (مىلادىدىن ئىلگىرىكى Ⅴ ئەسىرنىڭ ئالدىنقى يېرىمىدا) ئۇنىڭ رولى پەيدىنپەي كۈچىيىپ، ئەسلىدىكى ئارخوننىڭ رولى مۇناسىپ ھالدا ئاجىزلىغان. مىلادىدىن ئىلگىرىكى Ⅴ ئەسىرنىڭ كېيىنكى يېرىمىدا، پېرىكلېس ئۇدا 15 يىل باش گېنېراللىققا سايلىنىپ، ئەڭ ئالىي ھەربىي ھوقۇق ۋە بەزى مەمۇرىي ھوقۇقلارنى ئىگىلەپ، ئەمەلىيەتتىكى دۆلەت باشلىقىغا ئايلانغان. مىلادىدىن ئىلگىرىكى Ⅳ ئەسىردە، پۇقرالار يىغىنى ئاۋازغا قويۇش ئۇسۇلى ئارقىلىق، ھەرقايسى گېنېراللارنىڭ خىزمەت ھوقۇقى دائىرىسىنى بەلگىلەپ بەرگەن.