مىناڭكا بائۇ بەگلىكى

دۇنيا تارىخى تەخمىنەن 1351-يىلى مالايانىڭ پادىشاھى ئادىتياۋارمان (1340 - 1375-يىلىرى تەختتە بولغان) مادجاپاخىت بەەلىكىنىڭ قىستىشى بىلەن پايتەختىنى سۇماترا ئارىلىنىڭ غەربىي قىسمىدىكى مىناڭكا بائۇ رايونىغا كۆچۈرۈپ بېرىپ، مىناڭكا بائۇ بەگلىكىنى بەرپا قىلغان. ⅩⅤ ئەسىردە بىر قىسىم مىناڭكا بولار مالاي يېرىم ئارىلىنىڭ پاخاڭ رايونىغا كۆچۈپ كېلىپ ئولتۇراقلاشقان. 1405-يىلى (مىڭ سۇلالىسى يۇڭلىنىڭ 3-يىلى) مىناڭكا بائۇ دۆلىتى جۇڭگوغا ئەلچى ئەۋەتكەن. ⅩⅥ ئەسىردىن كېيىن ئىسلام دىنىغا ئېتىقاد قىلغان. ⅩⅦ ئەسىرنىڭ ئوتتۇرىلىرى گوللاندىيىنىڭ تاجاۋۇزىغا ئۇچرىغان. 1686-يىلى ماتارام دۆلىتى (ئىسلام) بىلەن بىرلىشىپ گوللاندىيىنىڭ مۇستەملىكە تەسىرىنى قوغلاپ چىقىرىشقا ئۇرۇنغان، بىراق نەتىجە چىقمىغان. ⅩⅨ ئەسىرنىڭ 20-يىللىرى گوللاندىيە مۇستەملىكچىلىرى تەرىپىدىن بېسىۋېلىنغان.