يوپۇرماق رېتى

بىئولوگىيە يوپۇرماقنىڭ غولىدىكى تىزىلىش رېتى. بۇنىڭدا ئۈچ خىل ئەھۋال بار؛ (1) نۆۋەتلىشىپ ئۆسكەن يوپۇرماق رېتى. ھەر بىر بوغۇمدا بىر يوپۇرماق بولىدۇ، ھەرقايسىسى يوپۇرماقلار ئۆزئارا نۆۋەتلىشىپ ئۆسىدۇ. مەسىلەن، كېۋەز، كامفورا، شاپتۇل قاتارلىقلار. (2) ئۇدۇل ئۆسكەن يوپۇرماق رېتى. بىر بوغۇمدا ئىككى يوپۇرماق بولىدۇ، ئۇلار بىر - بىرىگە ئۇدۇلمۇ ئۇدۇل ئۆسىدۇ. مەسىلەن، كۈنجۈت، زەرۋىچ، ئوسمانتۇس گۈلى. (3) ئايلانما بولۇپ ئۆسكەن يوپۇرماق رېتى. ھەربىر بوغۇمدا ئۈچ ياكى ئۇنىڭدىنمۇ كۆپ يوپۇرماق ئايلانما بولۇپ ئۆسىدۇ. مەسىلەن، تالگۈل، بېلىق ئوتى، مەيلى قايسى خىل يوپۇرماق رېتى بولسۇن، ئۆزئارا قوشنا ئىككى بوغۇمدىكى يوپۇرماقلار ئاستىن - ئۈستۈن بولۇپ قاتلانمايدۇ، بەلكى بەلگىلىك بۇلۇڭ بويىچە گىرەلىشىدۇ. بۇ يوپۇرماقنىڭ گىرەلىشىشى دەپ ئاتىلىدۇ. يوپۇرماقنىڭ گىرەلىشىشى يوپۇرماقلارنىڭ بىر - بىرىنى توسۇۋېلىشىدىن ساقلىنىش، كۈن نۇرىنى مۇمكىنقەدەر قوبۇل قىلىشقا ماسلىشىش ئەھمىيىتىگە ئىگە. ئۇيغۇر تىلى ئۇنۋېرسال سۆزلۈكلەر بوتانىكا يوپۇرماقنىڭ غولدىكى جايلىشىش ئۇسۇلى. كۆپ ئۇچرايدىغان يوپۇرماق رېتى؛ نۆۋەتلىشىپ ئۆسكەن يوپۇرماق رېتى، ئۇدۇل ئۆسكەن يوپۇرماق رېتى ۋە ئايلانما ئۆسكەن يوپۇرماق رېتىدىن ئىبارەت ئۈچ خىل بولىدۇ.