ئاسسوتسىئاتسىيە

پسىخولوگىيە بىر شەيئى ئارقىلىق باشقا بىر شەيئىنى يادىغا كەلتۈرۈشتۇر. بۇنى بىۋاسىتە ئىدراك قىلىۋاتقان شەيئى كەلتۈرۈپ چىقىرىشىمۇ، مېڭىدە ئويلانغان شەيئى كەلتۈرۈپ چىقىرىشىمۇ مۇمكىن. ئاسسوتسىئاتسىيە ۋاقىتلىق نېرۋا باغلىنىشىنىڭ قايتا جانلىنىشى بولۇپ، بۇ شەيئىلەر ئارىسىدىكى باغلىنىشنىڭ ئىنكاسى. ئاسسوتسىئاتسىيە پسىخىك پائالىيەتتە مۇھىم ئورۇننى ئىگىلەيدۇ. كىشىنىڭ ئەسلەپ يادىغا كەلتۈرۈشى كۆپىنچە ئاسسوتسىئاتسىيە شەكلىدە بولىدۇ. ئاسسوتسىئاتسىيىنى كۆپرەك شەكىللەندۈرۈش ۋە ئۇنىڭدىن پايدىلىنىش خاتىرىنى ئىلگىرى سۈرۈشنىڭ بىر خىل ئۈنۈملۈك چارىسى. تەپەككۇردا دائىم ئاسسوتسىئاتسىيە ئارقىلىق مۇناسىۋەتلىك ماتېرىيال ۋە پرىنسىپلارنى يادىمىزغا كەلتۈرىمىز. مانا بۇ بىزنى مەسىلىنى ھەل قىلىش ئىمكانىيىتى بىلەن تەمىنلەيدۇ. شەيئىلەر ئارىسىدىكى باغلىنىشنى ئىنكاس قىلىش پەرقىگە ئاساسەن، ئاسسوتسىئاتسىيىنى يانداشلىق ئاسسوتسىئاتسىيىسى، ئوخشاشلىق ئاسسوتسىئاتسىيىسى، قارىمۇ قارشىلىق ئاسسوتسىئاتسىيىسى، مۇناسىۋەت ئاسسوتسىئاتسىيىسى قاتارلىق تۈرلەرگە بۆلىمىز. ئۇيغۇر تىلى ئۇنۋېرسال سۆزلۈكلەر ئىسىم روسچە؛ لاتىنچە پسىخولوگىيە نېرۋا - مېڭە پائالىيىتى بىلەن باغلىق بولغان ئالاھىدە پىسخىك تەسەۋۋۇرلار، پىكىرلەر، ھېس - تۇيغۇلار ئارىسىدىكى باغلىنىش ۋە بۇ باغلىنىشقا ئاساسلانغان ئەقلىي خۇلاسە.