سودىدا زورلۇق قىلىش جىنايىتى

جىنايەت ۋە جازا بۇ - تاۋارلارنى زورلۇق ئىشلىتىش، تەھدىت سېلىش ۋاسىتىلىرى بىلەن زورلاپ ئېلىپ - ساتقان، باشقىلارنى مۇلازىمەت قىلىشقا ياكى مۇلازىمەتنى قوبۇل قىلىشقا زورلىغان ئېغىر قىلمىشلارنى كۆرسىتىدۇ. 1. ئوبيېكتى - بازار باشقۇرۇش تەرتىپى بولىدۇ. 2. ئوبيېكتىپ جەھەتتە تاۋارلارنى زورلۇق ئىشلىتىش، تەھدىت سېلىش ۋاسىتىلىرى بىلەن زورلاپ ئېلىپ - ساتقان، باشقىلارنى مۇلازىمەت قىلىشقا ياكى مۇلازىمەتنى قوبۇل قىلىشقا زورلىغان ئېغىر بولغان قىلمىش بولۇپ ئىپادىلىنىدۇ. 3. سۇبيېكتى - ئادەتتىك سۇبيېكت (تەبىئىي شەخس ۋە ئورۇنلار) بولىدۇ. 4. سۇبيېكتىپ جەھەتتە بىۋاستە قەستەنلىكتىن شەكىللىنىدۇ. 226 - ماددا تاۋارلارنى زورلۇق ئىشلىتىش، تەھدىت سېلىش ۋاسىتىلىرى بىلەن زورلاپ ئېلىپ - ساتقان، باشقىلارنى مۇلازىمەت قىلىشقا ايكى مۇلازىمەتنى قوبۇل قىلىشقا زورلىغانلاردىن قىلمىشى ئېغىر بولغانلىرىغا ئۈچ يىلدىن تۆۋەن مۇددەتلىك قاماق جازاسى ياكى تۇتۇپ تۇرۇپ ئەمگەككە سېلىش جازاسى بېرىلىدۇ، قوشۇمچە ياكى ئايرىم جەرىمانە قويۇلىدۇ. 231 - ماددا ئورۇنلاردىن مۇشۇ پاراگرافتىكى 221 - ماددىدىن 230 - ماددىغىچە بولغان ماددىلاردا بەلگىلەنگەن جىنايەتلەرنى ئۆتكۈزۈگەنلىرىگە جەرىمانە قويۇلىدۇ ھەمدە ئۇنىڭ بىۋاستە جاۋابكار مەسئۇل خادىمىغا ۋە باشقا بىۋاستە جاۋابكارلىرىغا مۇشۇ پاراگرافتىكى ماددىلاردىكى بەلگىلىمە بويىچە جازا بېرىلىدۇ.