مونرو

دۇنيا تارىخى (1758 - 1831) ئامېرىكا زۇڭتۇڭى (1817 - 1825) ۋىرگىنىيە شتاتىدا تۇغۇلغان جۇمھۇرىيەتچى، مۇستەقىللىك ئۇرۇشىغا قاتناشقان. كېيىن قانۇنچىلىقنى ئۆگەنگەن. قوشما شتاتلاr نىزامىنى تۈزگۈچىلەرنىڭ بىرى. 1790 - 1794-يىللاردا كېڭەش پالاتاسىنىڭ ئەزاسى بولغان. 1794 - 1796-يىللاردا فرانسىيىدە تۇرۇشلۇق كونسۇل بولغان. 1799 - 8021-يىللاردا ۋىرگىنىيە شتاتىنىڭ باشلىقى بولغان. 1803 - 1807-يىللاردا ئەنەلىيىدە تۇرۇشلۇق ئەلچى بولغان. شۇنداقلا زۇڭتۇڭنىڭ پەۋقۇلئاددە ئەلچىسى سۈپىتىدە، ئىلگىرى - ئاخىر بولۇپ ئىسپانىيە، فرانسىيە، ئەنگىيىلىكلەر بىلەن زېمىن ۋە سودا مەسىلىسى توغرىسىدا سۆھبەت ئۆتكۈزگەن. 1811 - 1817-يىللاردا دۆلەت ئىشلىرى كاتىپى بولغان. بۇ ئارىلىقتا بىر مەھەل قۇرۇقلۇق ئارمىيىسى مىنىستىرلىكىنىڭ مىنىستىرى بولغان. 1816-يىلى زۇڭتۇڭلۇققا سايلانغان. 1821-يىلى يەنە زۇڭتۇڭلۇققا سايلانغان. زۇڭتۇڭ بولغان مەزگىلدە پارتىيە ئىچىدىكى تالاش - تارتىش ئازايغانلىقى ئۈچۈن <ئىناق دەۋر> دەپ تەرىپلەنگەن. ئىچكى ئىقتىساد كاساتلىشىپ كەتكەن. قۇللۇق تۈزۈمنى ساقلاش - ساقلىماسلىق مەسىلىسى توغرىسىدا كۈرەش كەسكىنلىشىپ كەتكەن. ئىگىلىكنى قۇتقۇزۇش يزىسىدىن سانائەت ۋە يېزا ئىگىلىكنى گۈللەندۈرۈش تەدبىرلىرىنى قوللانغان؛ دىپلوماتىيە پائالىيەتلىرىنى كەينى - كەينىدىن ئېلىپ بارغان. 1817-يىلى ئەنگلىيە بىلەن <روشى باگوت كېلىشىمى> نى ئىمزالىغان. 1819-يىلى ئىسپانىيە بىلەن شەرتنامە ئىمزالاپ، فلورىدا شىتاتىغا ئىگە بولغان. 1823-يىلى ئۇنىڭ <مونرونىزم> سىياسىتىنى ئېلان قىلغانلىقى ئامېرىكىنىڭ سىرتقا كېڭەيمىچىلىك يۈرگۈزگەنلىكىنىڭ مۇھىم بەلگىسىدۇر. ۋەزىپىدىن قالغاندىن كېيىن قۇللۇق تۈزۈمنىڭ ھىمايە قىلغۇچىسى بولۇپ قالغان.