پاگان

دۇنيا تارىخى بىرمىنىڭ قەدىمكى پايتەختى. بىرمىنىڭ ئوتتۇرا قىسمىدىكى ئىرراۋاددىي دەرياسى ئوتتۇرا ئېقىمىنىڭ ئوڭ قىرغىقىدىكى مىڭجيەننىڭ غەربىي جەنۇبىغا جايلاشقان. مىلادى 849-يىلدا بىنا قىلىنىپ، Ⅺ ئەسىردەقەدىمكى بىرمىنىڭ تۇنجى بىرلىككە كەلگەن فېئوداللىق سۇلالىسى پاگان سۇلالىسىنىڭ پايتەختى ۋە بىرمىنىڭ بۇددا دىنى مەركىزىگە ئايلانغان. ھەرقايسى پادىشاھلار بۇددا دىنى قۇرۇلۇشلىرىنى كەڭ كۆلەمدە ئېلىپ بارغان. ئەڭ ئەۋجىگە چىققان چاغدا ياسالغان بۇددا مۇنارى 1300 دىن ئاشقان. بۇ شەھەر مىليون مۇنارلىق شەھەر دەپ ئاتالغان، شۇڭا ئۇنىڭ <مۇنار شەھىرى> دېگەن نامى بار. بىرما ئارخىلوگىيىلىك تەكشۈرۈش ئىدارىسىنىڭ 1973-يىلدىكى تەكشۈرىشىگە قارىغاندا، يەنىلا 2217 مۇنار بار ئىكەن. مۇنارلارنىڭ شەكلى خىلمۇخىل، كۆركەم ۋە ھەيۋەتلىك، قۇرۇلۇش سەنئىتى ئۈستۈن بولۇپ، ئۇلارنىڭ ئىچىدە رۇيشى ئوردىسىنىڭ مۇنارى ۋە ئانەندا مۇنارى ئەڭ داڭلىق. ئايلانمىسى 25 كىلومېتىر كېلىدىغان دائىرە ئىچىدىكى خارابىلەرنىڭ تولىسىدا نۇرغۇنلىغان قەدىمكى مەدەنىي يادىكارلىقلار ساقلانغان. بۇددا مۇنارلىرىنىڭ تولىسى 1975-يىلدىكى يەر تەۋرەشنىڭ بۇزغۇنچىلىققا ئۇچرىغان.