نۇكلېئوزىد دى فوسفات

بىئولوگىيە قىسقىچە NDP دەپ ئاتىلىدۇ 5 - نۇكلېئوتىدنىڭ فوسفات كىسلاتا قالدۇقى بىلەن ئانئورگانىك فوسفات كىسلاتاسىنىڭ پېر فوسفات كىسلاتا بېغى ئارقىلىق تۇتىشىشىدىن ياكى نۇكلېئوزىد ترى فوسفاتنىڭ ئاخىرقى ئۇچىدىكى بىر فوسفات كىسلاتاسىنى يوقىتىشىدىن ھاسىل بولىدۇ. ھۈجەيرىدىكى ئارىلىق مېتابولىزمىدا كوئېنزىم قاتارلىق روللارنى ئوينايدۇ. مەسىلەن، ئادېنوزىن دى فوسفات (ADP) ئېنزىملارنىڭ تېزلىتىشىدىكى ھەر خىل رېئاكسىيىلەردە فوسفات كسىلاتاسىنى يۆتكەيدىغان توشۇغۇچى بولىدۇ؛ ئۇرىدىن دى فوسفات (UDP) پولى ساخارىدلارنىڭ سىنتېزلىنىشىدا گلۇكوزا توشۇيدىغان توشۇغۇچىلىق رول ئوينايدۇ؛ سىتىدىن فوسفات (CDP) يۆتكىلىدىغان خولىننى ئېلىپ يۈرىدۇ.