نۇكلېئوزىد

بىئولوگىيە تەركىبىدە ئازوت بولغان پۇرىن ياكى پىرىمىدىن ئىشقارلىرىنىڭ رىبوزا ياكى ئوكسىگېنسىزلانغان رىبوزا بىلەن كوندېنساتسىيىلىنىشىدىن ھاسىل بولىدۇ، قەنت بىلەن ئىشقار رادىكالى ئارىلىقىدىكى گلىكوزىد بېغى بىلەن ئۆز ئارا تۇتىشىدۇ، قەنتىنىڭ بىرىنچى ئورنىدىكى كاربون ئاتومى، پىرىمىدىننىڭ بىرىنچى ئورنىدىكى ئازوت ئاتومى بىلەن ئۆز ئارا تۇتىشىپ، پىرىمىدىنلىق نۇكلېئوزىد (ياكى ئوكسىگېنسىزلانغان پىرىمىدىنلىق نۇكلېئوزىد) نى ھاسىل قىلىدۇ. ئەگەر پۇرىن ئىشقارىنىڭ 9 - ئورنىدىكى ئازوت ئاتومى بىلەن تۇتىشىدىغان بولسا، پۇرىنلىق نۇكلېئوزىد (ياكى ئوكسىگېنسىزلانغان پۇرىنلىق نۇكلېئوزىد) نى ھاسىل قىلىدۇ. نۇكلېئوزىدلاردا بولغان گلىكوزىد بېغى پۈتۈنلەي β - تىپلىق بولىدۇ. تەبىئىي يادرو كىسلاتالىرىدا تېپىلغان 170 خىلدىن ئارتۇق تۈزەشتۈرۈلگەن ئىشقار رادىكالى، نۇكلېئوزىد ياكى نۇكلېئوتىدلار بولۇپ، ئۇلار ئاساسەن ئىشقار رادىكالىنىڭ مېتىلىشىشى، ئاتسېتىللىشىشى، گۈڭگۈرت ئالمىشىشى، مېتىل گۈڭگۈرتنىڭ ئالمىشىشى قاتارلىقلار ئارقىلىق بولىدۇ. يەنە بىر خىل پېسېۋدو ئۇرىدىن بولۇپ، D - β 5 پىرىمىدىن نۇكلېئوزىد دەپمۇ ئاتىلىدۇ، ئۇنىڭدىكى رىبوزىنىڭ بىرىنچى ئورنىدىكى كاربون ئاتومى، ئۇراتسىلنىڭ 5 - ئورنىدىكى كاربون ئاتومى بىلەن تۇتىشىدۇ، شۇڭلاشقا ئۇ - C - C - گلىكوزىد بېغىدىن ئىبارەت.