غ

ئۇيغۇر تىلى ئۇنۋېرسال سۆزلۈكلەر ئۇيغۇر ئېلىپبەسىنىڭ ئون بەشىنچى ھەرپى.

غ[يەشمىسى:] ھازىرقى زامان ئۇيغۇر ئېلىپبەسىنىڭ ئون بەشىنچى ھەرىپى، رەت تەرتىپى جەھەتتىن ئون بەشىنچىنى كۆرسىتىدۇ. ھازىرقى زامان ئۇيغۇر تىلىدىكى مەنە پەرقلەندۈرۈش رولىغا ئىگە فونېما. «غ» ھەرىپىنىڭ ئايرىم شەكلى «غ»، بېشىدىن ئۇلىنىدىغان شەكلى «غ»، باش ۋە ئاخىرىدىن ئۇلىنىدىغان شەكلى «غ»، ئايىغىدىن ئۇلىنىدىغان شەكلى «ىغ»، ئوقۇلۇشى ياكى نامى «غې».[CRLF]«غ» ئۈزۈك تاۋۇش بولۇپ، تاۋۇش چىقىرش ئورنى جەھەتتىن تىل تۈۋى يۇمشاق تاڭلاي تاۋۇشى، تاۋۇش چىقىرىش ئۇسۇلى جەھەتتىن سىيرلاڭغۇ تاۋۇش، تاۋۇش پەردىسىنىڭ تىتىرەش-تىتىرىمەسلىكى جەھەتتىن جاراڭلىق ئۈزۈك تاۋۇشتۇر.[CRLF][CRLF]«غ» تاۋۇشىنىڭ فونېتىكىلىق ئالاھىدىلىكى[CRLF][CRLF]«غ» تاۋۇشى بىلەن ئاياغلاشقان بىر بوغۇملۇق سۆزلەرگە تەلەپپۇزىدىكى ئاسانلىقنى كۆزدە تۇتۇپ «ق» تاۋۇشى بىلەن باشلىنىدىغان قوشۇمچە قوشۇلىدۇ. قوشۇمچىنىڭ بېشىدىكى «ق» تاۋۇشى سۆز ئاخىرىدا كەلگەن «غ» تاۋۇشنى تەتۈر ئاسسىملاتسىيە قىلىپ ئۆزىگە ئوخشتىۋالىدۇ-دە، تەلەپپۇزدا «غ» تاۋۇشى «ق» غا نۆۋەتلىشىدۇ، ئەمما ئىملادا ئەكس ئەتتۈرۈلمەيدۇ. مەسىلەن:[CRLF]ئىملا تەلەپپۇزى[CRLF]باغ − باغقا باققا[CRLF]تاغ − تاغقىچە تاققىچە