بۇلغادى

تۈركىي تىللار دىۋانى سۆزلۈكلىرى بۇلغىدى؛ ئارىلاشتۇردى؛ غەش قىلدى. ئول سۇۋۇغ بۇلغادى _ ئۇ سۇنى بۇلغىدى. ئول تۇتماچ بۇلغادى _ ئۇ (قازاندىكى) تۇتماچنى (چۆپنى) ئارىلاشتۇردى. باشقىلاردىمۇ شۇنداق. بوتقا ۋە شۇنىڭغا ئوخشاش نەرسىلەرنىڭ ئاستى - ئۈستىنى تەكشى پىشۇرۇش ئۈچۈن ئارىلاشتۇرسىمۇ شۇنداق دېيىلىدۇ. ئول ئەر ئانىڭ كۆڭلىن بۇلغادى _ ئۇ ئادەم ئۇنىڭ كۆڭلىنى بۇلغىدى، غەش قىلدى. بۇ سۆزنىڭ ئەسلى مەنىسى تەبىئىتىگە ئۇيغۇن كەلمەيدىغان تاماق يېيىشتىن، ئادەمنىڭ كۆڭلى ئاينىپ، قۇساي دەپ قېلىشىدۇر. 3 - 394