ئورمانلىق قەدىمكى ئادەمسىمان مايمۇنى

بىئولوگىيە <ئورمانلىق مايمۇنى> دەپمۇ ئاتىلىدىغان ئادەمسىمان مايمۇنلارنىڭ تاشقا ئايلانغان قالدۇقلىرى بولۇپ، 5 ～ 20 مىليون يىل ئىلگىرى بۈك - باراقسان تروپىك ئورمانلىقلىرىدا ياشىغان. غەربىي ياۋروپا، مىسىر ۋە ھىندىستاننىڭ ميوتسىن سىستېمىسى ۋە پليوتسىن سىستېمىسىدىكى يەر قاتلاملىرىدىن ئۇنىڭ ئېڭەك سۆڭىكى، چىش، تۆت ئەزا سۆڭەكلىرى قاتارلىقلارنىڭ تاشقا ئايلانغان قالدۇقلىرى تېپىلغان. ئورمانلىق قەدىمكى ئادەمسىمان مايمۇنى ئون نەچچە خىل بولۇپ، ھازىرقى زاماندىكى شىمپانزا، گورىللا ۋە ئىنسانلارنىڭ ئورتاق ئەجدادى، 1956 - يىلىدىن كېيىن مەملىكىتىمىزنىڭ يۈننەن ئۆلكىسىنىڭ كەييۈەن دېگەن يېرىدىنمۇ ئون تال چىش تېپىلغان بولۇپ، كەييۈەن ئورمانلىق قەدىمكى ئادەمسىمان مايمۇنى دەپ نام بېرىلگەن.