ئاڭسىزلىق

پسىخولوگىيە كىشىنىڭ بىلمەي، سەزمەي ئاڭسىز ھالدا قىلغان پسىخىك پائالىيىتى پسىخولوگىيىدە ئاڭسىزلىق دېيىلىدۇ. بۇ 2 - سىگنال سىستېمىسى بىلەن باغلىنىشسىز بولۇپ، نۇتۇق ئىشلىتىلمىگەن بولىدۇ. ئاڭسىزلىق «روھىي ئانالىزچىلار» نىڭ ئاساسىي ئۇقۇمى. بۇ گوروھنىڭ قارىشىچە، پسىخىكا ئاساسەن ئاڭ ۋە ئاڭسىزلىقتىن ئىبارەت ئىككى قارىمۇ قارشى قىسمىغا بۆلىنىدۇ. ئاڭسىز، تۇغما ھاياجانلىنىشنى ئاڭ يوشۇرۇن ھالدا تىزگىنلەپ تۇرىدۇ. ئاڭ تۇغما ھاياجانلىنىشنى «چەكلەش» بىلەن ساختا، سىمۋول خاراكتېرلىك قانائەتلىنىشكىلا ئېرىشىدۇ. لېكىن پسىخولوگ فرويىدنىڭ پىكرىگە ئاساسلانغاندا، ئاڭنىڭ تۇغما ھاياجانلىنىشنى «چەكلەش» لىرى بەزىدە ئاڭسىز بولىدۇ. شۇنىڭ ئۈچۈن ئاڭسىزلىق پسىخىك پائالىيەتنىڭ ئاساسىي دىنامىكىسى، كىشىنىڭ مۇددىئا، غەرەزلىرىنىڭ مەنبەسى. بەزىلەرنىڭ قارىشىچە، ئاڭسىزلىق ئاڭغا تەسىر قىلىدۇ. ئاڭسىزلىقنى «يوشۇرۇن ئاڭ» ياكى «تۆۋەن ئاڭ» دەپ يۈرۈش ھاجەتسىز. ئۇيغۇر تىلى ئۇنۋېرسال سۆزلۈكلەر ئىسىم ئاڭنىڭ يوقلۇقى، بىلىمسىزلىك. مەدەنىيەت جەھەتتىكى نادانلىق سىياسىي جەھەتتىكى ئاڭسىزلىققا ئېلىپ بارىدۇ. <پىسخول> ئۆزى بىلمەي، مەقسەتسىز ئېلىپ بارغان ھەرىكەت.