شامال ۋاسىتىسى بىلەن چاڭلىنىدىغان گۈل

چاڭلىشىشنى شامال كۈچى ئارقىلىق تاماملايدىغان گۈل. شامال ۋاسىتىسى بىلەن چاڭلىنىدىغان گۈلى بولغان ئۆسۈملۈك شامال ۋاسىتىسى بىلەن چاڭلىشىدىغان ئۆسۈملۈك دەپ ئاتىلىدۇ. مەسىلەن، قارىغاي، شەمشاد كۆممىقوناق، تېرەك، سۆگەت، قېيىن قاتارلىقلار. بۇلارنىڭ ئادەتتىكى ئالاھىدىلىكى؛ گۈلى كىچىك بولىدۇ؛ گۈل يېپىنچىسى بولمايدۇ، ياكى گۈل يېپىنچىسىنىڭ رەڭگى روشەن بولمايدۇ؛ خۇش پۇرىقى ۋە ھەسەل بېزى بولمايدۇ؛ گۈل چېڭى قۇرۇق، يېنىك ھەم كۆپ، سىرتقى پوستى سىلىق بولۇپ، شامال بىلەن ئاسان تارقىلىدۇ، ئانىلىق ئاغزى كېڭەيگەن بولۇپ، گۈل چېڭىنى ئاسان قوبۇل قىلىدۇ.