رەسمىيەت

ئۇيغۇر تىلى ئۇنۋېرسال سۆزلۈكلەر ئىسىم ئەرەبچە بىرەر ئىشنىڭ ھۆكۈمەت ئورگانلىرى ياكى بىرەر تەشكىل تەرىپىدىن بەلگىلەنگەن بېجىرىلىش تەرتىپى، بېجىرىلىش رەسىم - قائىدىسى. رەسمىيەت ئۆتىمەك. بىرەر ئىشنىڭ ھۆكۈمەت ئورگانلىرى ياكى بىرەر تەشكىل تەرىپىدىن بېجىرىلگەنلىكىنى ئىسپاتلاپ بېرىدىغان خەت، تونۇشتۇرۇش ۋە ئالاقە قاتارلىقلار. - نېمىشقا تۈزۈمگە خىلاپلىق قىلىسىز؟ قېنى، بۇ يەرگە كىرىشتىكى رەسمىيىتىڭىزنى چىقىرىڭ! - دېدى ئۇ سىيىت ئاكىغا خاپا بولۇپ. ئۇزۇندىن بېرى خەلق تۇرمۇشىغا ئۆزلىشىپ كەتكەن ئادەت، يوسۇن. ئۇ جاپپارنى كۆرۈپ ئۆزىنى سەل تۇتۇۋالدى - دە، رەسمىيەت يۈزىسىدىنلا: - باشلىق، ئاغرىپ قالدىڭىزمۇ نېمە؟ - دەپ سوراپ قويدى. باشقىلارغا كۆرسىتىش مەقسىتىدە قىلىنغان شەكلەن ئىش. ئۇ ئانىسىنىڭ زورلىشى بىلەن ياتلىق بولدى، لېكىن ئۇ پەقەت رەسمىيەتنى ئادا قىلىشلا بولدى، خالاس.