پىششىق گۆش قورۇمىسى

ئۇيغۇر تائاملىرى پىششىق قوي گۆشى 500 گرام، تۇز مۇۋاپىق مىقداردا، تۇخۇم تۆت دانە، ئالىي ئاق ئۇن ئازراق، پۇرچاق ئۇنى 70 گرام، ئەبجەش ياغ 500 گرام (خورايدىغىنى 105 گرام)، كاۋاۋىچىن ئازراق. 1. پىششىق قوۋۇرغا گۆشىنى سۆڭەكتىن ئايرىپ، ئۇزۇنلۇقى تۆت سانتىمېتىر، كەڭلىكى ئىككى سانتىمېتىر ئۇزۇنچاق توغراپ، تەخسىگە تىزىپ، ئۈستىگە تۇز، سوققان كاۋاۋىچىن سېپىپ قويۇلىدۇ. 2. تۇخۇمنى چېقىپ، چىلىغان پۇرچاق ئۇنى، ئالىي ئاق ئۇن سېلىپ ئارىلاشتۇرۇپ، قويۇق تۇخۇم شىرىسى ياسىلىدۇ. 3. قازانغا ياغ قۇيۇپ 6～5 دەرىجە قىزىتىپ، گۆشنى تۇخۇم شىرىسىگە چىلاپ ئېلىپ، ياغقا سېلىپ، ھەر ئىككى تەرىپى تەكشى سارغايتىپ، چېچەكلەپ چىققاندا سۈزۈپ ئېلىپ سوۋۇتۇپ، رومبا شەكلىدە توغراپ تەخسىگە تىزىپ، ئۈستىگە تۇز، سوققان كاۋاۋىچىن سېپىپ قويۇلىدۇ. ئۇيغۇر تائاملىرى قوينىڭ سان گۆشى 140 گرام، سامساق بىر باش، ئەبجەش ياغ ئازراق، سۇڭپىياز بىر تال، ياغ لازا ئازراق، ئاق شېكەر ئازراق، جاڭيۇ ئازراق، ئاچچىقسۇ ئازراق. 1 . گۆشنى پاكىز يۇيۇپ، قايناق سۇغا سېلىپ چالا پىشۇرۇپ، كەڭلىكى ئۈچ سانتىمېتىر، ئۇزۇنلۇقى تۆت سانتىمېتىر قىلىپ نېپىز يالپاقلاپ توغرىلىنىدۇ؛ ياغلازنى ئارىلاشتۇرۇپ سۇيۇقلىتىلىدۇ؛ سۇڭپىياز ئات قۇلىقى، سامساق ئۇزۇنچاق توغرىلىدۇ. 2. قازانغا ياغ قۇيۇپ، 7 دەرىجە قىزىتىپ گۆشنى سېلىپ قورۇپ، ياغ لازا، جاڭيۇ، شېكەرنى سېلىپ قورۇپ، رەڭگىنى توق قىزارتىپ (شېكەر - رەڭ بېرىش رولىنى ئوينايدۇ، سامساق، سۇڭپىيازلارنى سېلىپ ئىككى قېتىم ئۆرۈپ، ئاچچىقسۇ سېپىپ تەخسىگە ئېلىنىدۇ.