مىنېرال ماددىلار بىلەن ئوزۇقلىنىش

بىئولوگىيە 矿质营养 kuàngzhìyíngyǎng ئۆسۈملۈكلەرنىڭ مىنېرال ماددىلارنى سۈمۈرۈش، توشۇش ۋە ئاسسىمىلياتسىيە قىلىش جەريانى. ھازىرغىچە تېپىلغان 92 خىل تەبىئىي ئېلېمنېتتىن ئوخشاش بولمىغان ئۆسۈملۈك تېنىدە كەم دېگەندە 60 - 70 خىلى بولىدۇ. 16 خىل ئېلېمېنت، يەنى كاربون، ھىدروگېن، ئوكسىگېن، ئازوت، فوسفور، كالىي، كالتسىي، ماگنىي، گۈڭگۈرت، تۆمۈر، بور، مانگان، مىس، سىنك، مولىدېن، خلور قاتارلىقلار ئۆسۈملۈكنىڭ ھاياتىدا زۆرۈر بولغان ئېلېمېنتلاردۇر. ئۆسۈملۈك بۇلارنىڭ ئىچىدىكى مانگان، سىنك، بور، مىس، مولىدېن، خلور ۋە تۆمۈر ماددىلىرىنى ئىنتايىن ئاز مىقداردا تەلەپ قىلىدۇ، ئادەتتە ئۇنىڭغا بولغان ئېھتىياج ppm 100 دىن تۆۋەن بولىدۇ. شۇڭا ئۇلار مىكرو مىقدارلىق ئېلېمېنتلار دەپ ئاتىلىدۇ. باشقا ئېلېمېنلار كۆپىنچە ppm 100 دىن يۇقىرى بولۇپ، ماكرو مىقدارلىق ئېلېمېنتلار دەپ ئاتىلىدۇ.