ماي كىسلاتاسى

بىئولوگىيە يەنى <ئوكتادېتسېنو - ］P［ - كىسلاتاسى> ئىپادىلىنىدۇ. تويۇنمىغان ياغ كىسلاتالىرى ئىچىدىكى ئەڭ ئومۇميۈزلۈكى ماي كىسلاتاسى بولۇپ، ھايۋان، ئۆسۈملۈك مايلىرىدا گلىتسېرىن ئېستېرى ھالىتىدە مەۋجۇت. ساپ مەھسۇلاتى رەڭسىز، پۇراقسىز سۇيۇقلۇق بولۇپ، ئېتىل ئىسپىرت، ئېفىر قاتارلىق ئېرىتكۈچىلەردە ئېرىيدۇ. ھاۋادا ئۇزاق تۇرسا رەڭگى قېنىقلىشىدۇ. ئۇنىڭ ناترىيلىق تۇزى سانائەتتە كەڭ كۆلەمدە ئىشلىتىلىدۇ، قوغۇشۇنلۇق، مانگانلىق تۇزلىرى قۇرۇتقۇچى قىلىنىدۇ، مىسلىق تۇزى بېلىق تورىنىڭ چىرىپ كېتىشىنىڭ ئالدىنى ئالغۇچى دورا قىلىنىدۇ. ماي كىسلاتاسى تويۇنمىغان تەبىئىي ياغ كىسلاتالىرىنىڭ زور كۆپچىلىكىگە ئوخشاش ھەممىسىلا ئوڭ شەكىللىككە مەنسۇپ بولىدۇ، كاتالىزاتور قوشۇلسا ھەمدە قىزدۇرۇلسا، تەتۈر شەكىللىك ماي كىسلاتاسىغا ئايلىنىدۇ. كاتالىزلاپ ھىدروگېن قوشۇش - مارگارىن تەييارلاشنىڭ زۆرۈر باسقۇچىدۇر.