لافارگ

دۇنيا تارىخى 拉法格 lā fǎ gé (1842 - 1911) فرانسىيىلىك سوتسىيالىست، ئىشچىلار پارتىيىسىنىڭ ئاساسچىلىرىدىن بىرى. كۇبانىڭ سانتىياگو شەھىرىدە تۇغۇلغان. 1851 - يىلى پۈتۈن ئائىلىسى بىلەن فرانسىيەنىڭ بوردو شەھىرىگە كۆچۈپ كەلگەن. 1864 - يىلى پارىژ مېدىتسىنا ئىنىستىتۇتىغا كىرىپ ئوقۇغان، لونگېنىڭ <سول قىرغاق گېزىتى> بىلەن ھەمكارلىشىپ، ئىككىنچى ئىمپرىيىگە قارشى كۈرەشكە قاتناشقان. 1866 - يىلنىڭ بېشىدا ئەنگلىيەنىڭ لوندون شەھىرىگە بېرىپ داۋاملىق دوختۇرلۇقنى ئۆگەنگەن. بىرىنچى ئىنتېرناتسىئونال باش كومېتىتىنىڭ ئەزالىقىغا سايلانغان. كۆپ ئۆتمەيۇ ئىسپانىيە بىلەن ئالاقىلىشىش سېكرىتارى بولغان ھەمدە ماركس بىلەن تونۇشقان. 1868 - يىلى ماركسىنىڭ ئىككىنچى قىزى لائۇرا (1845 - 1911) بىلەن تۇرمۇش قۇرغان؛ شۇ يىلى پارىژغا قايتىپ كەلگەن. پرۇسسىيە - فرانسىيە ئۇرۇشى پارتلىغاندىن كېيىن، بوردوغا كۆچۈپ كېلىپ، بىرىنچى ئىنتېرناتسىئونال بوردو ياچېيكىسىنىڭ مۇخبىر سىكرىتارى بولغان. <دۆلەت مۇداپىئە> گېزىتىنى تەسىس قىلىپ، ئىنقىلابىي ئۇسۇل بىلەن تاجاۋۇزچىلىققا قارشى ئۇرۇش ئېلىپ بېرىشنى تەشەببۇس قىلغان. پارىژ كوممۇنىسى ئىنقىلابىي باشلانغاندىن كېيىن، <بوردو مۇنبەر گېزىتى> دىن پايدىلىنىپ چەت ئۆلكىلەردە پارىژ كوممۇنىسىغا ياردەم بېرىش ھەرىكىتىنى قوزغىغان. كوممۇنا مەغلۇپ بولغاندىن كېيىن ئىسپانىيىدە مۇھاجىر بولۇپ تۇرۇپ، بىرىنچى ئىنتېرناتسىئونالنىڭ تەشكىلىي خىزمىتىگە كۈچ چىقارغان. 1872 - يىلى بىرىنچى ئىنتېرناتسىئونالنىڭ گائاگا قۇرۇلتىيىغا قاتنىشىپ، ئېنگېلسقا ياردەملىشىپ باكونىنغا قارشى ھۈججەت <سوتسىيالىستىك دېموكراتىيە ئىتتىپاقى ۋە خەلقئارا ئىشچىلار جەمئىيىتى>نى تۈزۈپ چىققان. 70 - يىللاردا لوندوندا مۇھاجىر بولۇپ تۇرۇپ، فرانسىيە ئىشچىلار پارتىيىسىنى تەشكىللەش خىزمىتى بىلەن شۇغۇللانغان. 1880 - يىلى ماركس، ئېنگلېسنىڭ يېتەكچىلىكىدە، گېد بىلەن بىرلىكتە فرانسىيە ئىشچىلار پارتىيىسىنىڭ پروگراممىسىنى تۈزۈپ چىققان. 1882 - يىلنىڭ بېشىدا ۋەتىنىگە قايتىپ كەلگەن، فرانسىيە ئىشچىلار پارتىيىسى سېنت - ئېتېن قۇرۇلتىيىغا ۋە ھەر قېتىملىق قۇرۇلتايغا قاتنىشىپ، مۇمكىنچىلەرگە قارشى كۈرەشنى قانات يايدۇرغان؛ شۇنىڭ بىلەن بىرۋاقىتتا <باراۋەرلىك گېزىتى> قاتارلىق سوتسىيالىستىك گېزىت - ژورناللاردا نۇرغۇن مۇھىم ماقالىلەرنى ئېلان قىلىپ، فرانسىيەدە ماركسزمنى تارقاتقۇچى ئاتاقلىق تەشۋىقاتچىغا ئايلانغان. 1891 - يىلى ئاۋام پالاتا ئەزالىقىغا سايلانغان. ئىككىنچى ئىنتېرناتسىئونال مەزگىلىدە ئاغمىچىلىققا قارشى تۇرۇش كۈرىشىگە پائال قاتناشقان. 1905 - يىلى فرانسىيە بىرلىككە كەلگەن سوتسىيالىستلار پارتىيىسى (ئىشچىلار ئىنتېرناتسىئونالى فرانسىيە ياچېيكىسى)نىڭ قۇرۇلۇش يىغىنىدا رەھبەرلىك ئەزالىقىغا سايلانغان. 1911 - يىلى 12 - ئاينىڭ 3 - كۈنى ئايالى بىلەن بىرلىكتە ئۆزىنى ئۆلتۈرۈۋالغان. ئاساسلىق ئەسەرلىرىدىن <مال - مۈلۈك ۋە ئۇنىڭ پەيدا بولۇشى>، <ئىنقىلابنىڭ ئالدى - كەينىدىكى فرانسۇز تىلى>، <ماركس ھەققىدە ئەسلىمە> قاتارلىقلار بار. ئىستېتىكا لافارگ (1911 - 1842) 拉法格(Raul Lafargue，1842—1911)，法国工人运动活动家， 文学评论家，马克思主义文艺思想的传播者 lā fǎ gé (Raul Lafargue，1842—1911)，fǎ guó gōng rén yùn dòng huó dòng jiā ， wén xué píng lùn jiā ，mǎ kè sī zhǔ yì wén yì sī xiǎng de chuán bō zhě mǎ kè sī zhǔ yì wén yì sī xiǎng de chuán bō zhě