داس سۆڭىكى

بىئولوگىيە سۈت ئەمگۈچىلەردە بولىدىغان بىرخىل ئالاھىدە ئىسكىلىت تۈزۈلۈشى. پۇختا، ھالقىسىمان بولۇپ، ئوڭ - سول يانپاش سۆڭەكلىرى بىرىكىپ توققۇز كۆز بىلەن بىرلىشىشىدىن شەكىللەنگەن. داس سۆڭىكىنىڭ ئىچكى بوشلۇقى داس بوشلۇقى دېيىلىدۇ، ئۇنىڭ ئىچىگە دوۋساق، تۈز (توغرا) ئۈچەي ھەمدە چىشى تەنىنىڭ بالىياتقۇ (ماتكا)، جىنسىي يولى (ۋاگىنا) قاتارلىقلىرى جايلاشقان. ئادەمنىڭ داس سۆڭىكىدە جىنسىنىڭ ئوخشىماسلىقىغا قاراپ روشەن پەرقلىق بولىدۇ. يېتىلگەن ئاياللارنىڭ داس بوشلۇقى ئەرلەنىڭكىگە قارىغاندا تېيىزرەك، كەڭرەك، داس بوشلۇقىنىڭ ئۈستۈنكى ئېغىزى بىلەن ئاستىنقى ئېغىزىمۇ نىسبەتەن كەڭ ھەم يۇمىلاق بولىدۇ. بۇ ئالاھىدىلىكلەرنىڭ ھەممىسى تۇغۇش ئىقتىدارىغا ماسلاشقان.