بىرلەشكەن ئۆلكىلەر جۇمھۇرىيىتى

دۇنيا تارىخى دۇنيا تارىخىدىكى تۇنجى بۇرژۇئازىيە جۇمھۇرىيىتى. نېدىرلاندىيە بۇرژۇئازىيە ئىنقىلابى مەزگىلىدە، نېدىرلاندىيىنىڭ شىمالىي يەتتە ئۆلكىسى بىلەن جەنۇبتىكى بىر قىسىم شەھەرلىرى 1579-يىل 1-ئاينىڭ 23-كۈنى ئۇترىچىت ئىتتىپاقىنى قۇرۇپ، جۇمھۇرىيەتنىڭ قۇرۇلۇشى ئۈچۈن ئاساس سالغان. 1581-يىلى، شىمالدىكى ھەرقايسى ئۆلكىلەردىن تەركىب تاپقانئ ۈچ تەبىقە يىغىنى ئىسپانىيە كورۇلى فېلىپⅡنىڭ بىكار قىلىنغانلىقى، بىرلەشمە ئۆلكىلەر جۇمھۇرىيىتىنىڭ رەسمىي قۇرۇلغانلىقنى ئېلان قىلغان، گوللاندىيە ئۆلكىسىنىڭ بىرلەشمە ئۆلكىلەر ئىچىدىكى ئىقتىسادىي ۋە سىياسىي ئورنى ئەڭ مۇھىم بولغانلىقى ئۈچۈن، بۇ جۇمھۇرىيەت گوللاندىيە جۇمھۇرىيىتى، قىسقارتىپ گوللاندىيە دەپ ئاتالغان. ئىسپانىيە 1609-يلى گوللادىيە بىلەن <ئون ئىككى يىللىق ئۇرۇش توختىتىش كېلىشىمى>نى ئىمزالاپ، گوللاندىيەنىڭ مۇستەقىللىكىنى ئەمەلىيەتتە ئېتىراپ قىلغان. ⅩⅧـⅩⅦئەسىرلەردە، گوللاندىيەدە كاپىتالىستىك سوداسانائەت، دېڭىز ترانسپورتى تېز تەرەققى قىلغان ھەمدە ھېندۇنېزىيە، يېڭى ئامىستىردام(ھازىرقى نيۇيورك)، برازىلىيە، ئۈمىت تۇمشۇقى قاتارلىق جايلاردا مۇستەملىكە بەرپا قىلىپ، دۇنيا بويىچە كۈچلۈك دۆلەتكە ئايلانغان. 1795-يىلى فرانسىيە ئارمىيىسى تەرىپىدىن ئىشغال قىلىنغان. 1806-يىلى گوللاندىيە پادىشاھلىق دۆلەتكە ئايلانغان.