ئىناق قوشنىدارچىلىق سىياسىتى

دۇنيا تارىخى ئامېرىكا زۇڭتۇڭى روزۋېلىت <يېڭى سىياسەت> نى يولغا قويغان مەزگىلىدىكى لاتىن ئامېرىكىسىغا قارىتىلغان دىپلوماتىيە سىياسىتى. روزۋېلىت 1933 - يىلى 3 - ئايدا سۆزلىگەن زۇڭتۇڭلۇققا ئولتۇرۇش نۇتقىدا <دۇنيا سىياسىي ساھەسىدە مەن دۆلىتىمنى ئىناق قوشنىدارچىلىق سىياسىتىگە ئەمەل قىلدۇرىمەن> دەپ جاكارلىغان. ئۇنىڭ ئەسلى مەنىسى پۈتۈن يەر شارىغا قارىتىلغان بولسىمۇ، لاتىن ئامېرىكىسى ئەللىرى ئۇنى پەقەت غەربىي يېرىم شارغىلا قارىتىپ ئېتىلغان، دەپ چۈشەنگەن. روزۋېلىت بۇنداق چۈشىنىشكە سۈكۈت قىلغان، شۇڭا <ئىناق قوشنىدارچىلىق سىياسىتى> ئەمەلىيەتتە ئامېرىكىنىڭ لاتىن ئامېرىكىسى سىياسىتىنى كۆرسىتىدىغان بولۇپ قالغان. ئۇ بىر قاتار شەرتنامىلەر ۋە يىغىن قارارلىرىدىن تەركىب تاپقان. ئامېرىكىنىڭ دۆلەت ئىشلىرى كاتىپى ھۇلل 1933 - يىلى 12 - ئايدا مونېتدىدېئودا ئۆتكۈزۈلگەن فان ئامېرىكا يىغىنىدا بىر دۆلەتنىڭ باشقا بىر دۆلەت ئىچكى ئىشلىرىغا ئارىلىشىش ھوقۇقى بولمايدۇ، دەپ ئېيتقان. <ئىناق قوشنىدارچىلىق سىياسىتى> شوئارى ئاستىدا، ئامېرىكا نىكاراگوئا ۋە كارىب رايوندىن ئەسكەرلىرىنى ئېلىپ چىقىپ كەتكەن، <پلاتت تۈزىتىلگەن لايىھىسى> نى ئەمەلدىن قالدۇرغان، پاناماغا ئارىلىشىش ھوقۇقىدىن ۋاز كەچكەن، ۋەھاكازالار. ئەمما لاتىن ئامېرىكىسى رايونىغا ئىقتىسادىي جەھەتتىن سىڭىپ كىرىش ۋە تاجاۋۇز قىلىشنى كۈچەيتكەن ھەمدە پايدىلىق پۇرسەتلەرنى تاللاپ، لاتىن ئامېرىكىسى ئەللىرىگە قوراللىق مۇداخىلە قىلغان.