ئانتروپولوگىيە

بىئولوگىيە ئىنسانلارنىڭ بىئولوگىيىسى، مەدەنىيىتى، تارىخى ۋە جۇغراپىيىسى قاتارلىق ھەر قايسى جەھەتتىكى مەسىلىلەر ۋە ئۇلار ئوتتۇرىسىدىكى مۇناسىۋەتنى تەتقىق قىلىدىغان پەن. ئۇ ئىنسانلارنىڭ پەيدا بولۇشى ۋە تەرەققىي قىلىش قانۇنى، ئادەم تېنىنىڭ يېتىلىش جەريانىدىكى سۈپەت تەرەققىياتى ۋە ياخشىلىنىشى، دۇنيادىكى ھەر قايسى ئىرقلارنىڭ شەكىللىنىش سۈپەت ئالاھىدىلىكى ھەمدە ئۇلار ئوتتۇرىسىدىكى مۇناسىۋەت قاتارلىقلارنى ئۆز ئىچىگە ئالىدۇ. ئانتروپولوگىيە تەبىئىي پەننىڭ بىر قىسمى بولۇپلا قالماي، بەلكى ئۇنىڭ ئىجتىمائىي پەن بىلەن بولغان مۇناسىۋىتىمۇ ئىنتايىن زىچ. ئۇ ئانترومورفولوگىيە، پالېئونتانتروپولوگىيە، ئىرقشۇناسلىق قاتارلىق ئاساسلىق تارماق پەنلەرگە بۆلۈنىدۇ.