خامېلېئون

بىئولوگىيە 避役 bìyì يەر باغىرلىغۇچىلار سىنىپىنىڭ تەڭگىچىلىكلەر ئەترىتى، خامېلېئونلار ئائىلىسىگە كىرىدۇ. ئۇ دەرەختە ياشاشقا ماسلاشقان يەر باغىرلىغۇچى بىر خىل ھايۋان. تېنىنىڭ ئۇزۇنلۇقى قۇيرۇقىنى قوشقاندا تەخمىنەن 25 سانتىمېتىر، كۆزى چوڭ ھەم بۆرتۈپ چىققان، قېلىن ھالقىسىمان كۆز قاپىقى بار. ھەر بىر كۆزى ئۆز ئالدىغا مۇستەقىل ھەرىكەتلىنەلەيدۇ ھەم فوكۇس تەڭشىيەلەيدۇ، بۇ نۇقتا ئادەتتىكى ھايۋانلاردىن پەرقلىق ھېسابلىنىدۇ. ئۇنىڭ تىلى ناھايىتى تەرەققىي قىلغان بولۇپ، ھاشاراتلارنى يېپىشتۇرۇپ تۇتىدىغان ئۆتكۈر قورالىغا ئايلانغان. ئۇنىڭ تىلى ئۆزىنىڭ تەن ئۇزۇنلۇقىدىنمۇ ئارتۇق سوزۇلالايدۇ. بېشىدا كەڭ بۇلۇڭلۇق ئۈچ بۇلۇڭ شەكىللىك ئۆسمىسى بولىدۇ. بەدىنىنى دانىچىسىمان تەڭگىچىلەر ئوراپ تۇرىدۇ. ھەقىقىي تېرىسىدە كۆپ خىل پېگمېنت ھۈجەيرىلىرى بولۇپ، خالىغان ۋاقىتتا قىسقىراپ - ئۇزىراش ئارقىلىق بەدەن رەڭگىنى ئۆزگەرتەلەيدۇ. شۇڭا خامېلېئون (رەڭ ئۆزگەرتكۈچى كەسلەنچۈك) دەپ ئاتالغان. ئۇنىڭ تۆت پۇتى نىسبەتەن ئۇزۇن، بارماقلىرى ئىچكى - تاشقى ئىككى گۇرۇپپا بولۇپ، بىرلىشىپ شاخلارنى قاماللاشقا ماسلاشقان قىسقۇچ پەنجە شەكلىگە كەلگەن. قۇيرۇقى ئۇزۇن بولۇپ، چىرمىشالايدۇ، ھەرىكىتى ئاستا، سائىتىگە 60 مېتىر ماڭالايدۇ. 8 ~ 9 - ئايلاردا چېتىشىپ چىشىسى بىر ئايدىن كېيىن 25 - 40 تۇخۇم سالىدۇ. تۇخۇمىنى دەرەخ يىلتىزىغا يېقىن لاي توپىلارغا كۆمۈپ قويىدۇ. ئۇ ئاساسەن ئافرىقىغا تارقالغان، بولۇپمۇ ماداغاسقاردا كۆپ؛ جەنۇبىي ئاسىيا، ئىسپانىيە قاتارلىق جايلاردىمۇ ئۇچرايدۇ. ئۇنىۋېرسال 避役 bì yì