ستولوگىيە

细胞学 xìbāoxué ھۈجەيرىنىڭ تۈزۈلۈشى، فۇنكىسىيىسى ۋە ھايات تارىخىنى تەتقىق قىلىدىغان پەن. ئۇنىڭ ۋەزىپىسى ھۈجەيرە ۋە ھۈجەيرە ئاپپاراتلىرىنىڭ تۈزۈلۈشى ھەمدە فۇنكىسىيىسىنى شەرھلەش، ھۈجەيرىنىڭ ئۆسۈشى، بۆلۈنۈشى، دىففېرېنسىيىلىنىشى، ھەرىكىتى، نەسىلىگە ئۆتۈشى، ئۆزگىرىشى، كېسەللىك ئۆزگىرىشى ۋە قېرىشى قاتارلىق ئاساسىي ھاياتلىق پائالىيەت قانۇنىيەتلىرى ئۈستىدە ئىزدىنىشتىن ئىبارەت. دەسلەپكى مەزگىللەردىكى سىتولوگىيە فوتومىكروسوپقا تايىنىپ خوندرىئوسوما، سېنترىئوسوما، خروموسوما ۋە يادرو مېغىى قاتارلىقلارنىڭ تۈزۈلۈشىنى كۆزىتەتتى. يېقىنقى يىللاردىن بۇيان يۇقىرى دەرىجىدە قەۋەتلەرگە ئايرىغۇچى ئېلېكترونلۇق مىكروسكوپتىن پايدىلىنىپ پلازما پەردىسى، مىكرو قانال، مىكرو نەيچە ۋە رىبوسوما قاتارلىق ئۇلترا تۈزۈلۈشلەرنى كۆزىتىدىغان بولدى. ستولوگىيە ھۈجەيرە مورفولوگىيىسى، ھۈجەيرە فىزىئولوگىيىسى، ھۈجەيرە خىمىيىسى، ھۈجەيرە گېنېتىكىسى ۋە مولېكۇلا سىتولوگىيىسى قاتارلىق تارماق پەنلەرگە بۆلۈنىدۇ.

饮食学 yǐn shí xué