十年战争

دۇنيا تارىخى ئون يىللىق ئۇرۇش 1868 - 1878 - يىلى كۇبانىڭ ئىسپانىيە مۇستەملىكىچىلىرىنىڭ ھۆكۈمرانلىقىغا قارشى ئېلىپ بارغان ئۇرۇشى بولۇپ، ئۇ 30 يىللىق ئازادلىق ئۇرۇشنىڭ دەسلەپكى باسقۇچى ئىدى. 1868 - يىلى 01 - ئاينىڭ 10 - كۈنى، كۇبانڭ شەرقىي قىسمىدىكى ئوربېنتى ئۆلكىسىنىڭ مائېرىسترا تاغ رايونىدىكى يارا كەنتىدە پومېشچىك، ئادۋوكات سېسپېدېس (1819 - 1874) ھەممىدىن ئاۋۋال مۇستەملىكىچىلىك ھۆكۈمرانلىقىغا قارشى قوراللىق قوزغىلاڭ كۆتۈرگەن. قوزغىلاڭچىلارنىڭ شوئارى مۇستەقىل بولۇش ۋە قۇللۇق تۈزۈمنى يوقىتىش، ئۇنىڭ ئاساسلىق كۈچى ئەمگەكچى ئاممىدىن تەركىب تاپقان. قوزغىلاڭچى قوشۇن ئاگرامونتى (1841 - 1873)، گومېز ۋە ماسېئو قاتارلىقلارنىڭ رەھبەرلىكىدە شەرقىي ئۈچ ئۆلكىنى تېزدىن قاپلىغان. 1869 - يىلى 4 - ئايدا، ئاساسىي قانۇن چىقىرىلىپ، مۇستەقىل بولغانلىقى جاكارلانغان، جۇمھۇرىيەت قۇرۇلغان ھەمدە سېسپېدېس زۇڭتۇڭلۇققا سايلانغان. (1869 - 1873). قوزغىلاڭچى قوشۇننىڭ ئىچكى قىسمىدا بۆلۈنۈش يۈز بەرگەنلىكى ۋە ئىسپانىيىنىڭ كۆپلەپ ئەسكەر يۆتكەپ قورشاپ يوقىتىشى تۈپەيلىدىن، ئۇرۇشتا بۇرۇلۇش يۈز بەرگەن. 1878 - يىلى 2 - ئايدا <زان - خۇن شەرتنامىسى> ئىمزالانغان. كۇبا مۇستەقىللىككە ئىگە بولالمىغان. ئىسپانىيە بولسا چوڭ كەچۈرۈم قىلىشقا ماقۇل بولغان ھەمدە سىياسىي ئىسلاھات ئېلىپ بارغان.