راۋلىنسون

دۇنيا تارىخى (1810 - 1895) ئەنگلىيىلىك شەرقشۇناس، دىپلومات. ياش ۋاقتىدا بومبايدا شەرق تىللىرىنى تەتقىق قىلغان. ئەنگلىيىنىڭ قەندىھاردا تۇرۇشلۇق سىياسىي ۋەكىلى، باغدادتا تۇرۇشلۇق باش كونسۇلى بولغان. 1855-يىلى ۋەتىنىگە قايتىپ كەلگەن، كېيىن پادىشاھلىق ئاسىيا ئىلمىي جەمئىيىتىنىڭ رەئىسى بولغان. 1835 - 1837-يىللىرى ئىراننىڭ غەربىي قىسمىدىن <بېخىستۇندىكى پېرسىيە مىخ يېزىقى>، <بابىلون ۋە ئاسسۇرىيە مىخ يېزىقى ھەققىدە ئىزاھ> قاتارلىقلار بار. دۇنيا تارىخى (1812 - 1902) ئەنگلىيىلىك شەرقشۇناس ۋە تارىخشۇناس. دەسلەپ ئوكسفورد ئۇنىۋېرسىتېتىدا ئوقۇغان. 1840-يىلى مۆتىۋەللى بولغان ھەمدە ئېكسېتېر ئىنىستىتۇتى باھالاش ھەيئىتىنىڭ ئەزاسى ۋە يېتەكچى ئوقۇتقۇچىسى بولغان. 1845-يىلى مۇئاۋىن مۇدىر بولغان 1859-يىلى بامپتون لېكسىيىسىگە رىياسەتچىلىك قىلغان. 1861-يىلى ئوكسفورد ئۇنىۋېرسىتېتى كامدېن قەدىمكى زامان تارىخى لېكىيىسى پروفېسسورى بولغان. ئۇنىڭ قەدىمكى زامان شەرق دۆلەتلىرى تارىخى ۋە <ئىنجىل> تەتقىقاتىغا دائىر كۆپ خىل ئەسەرلىرى بار. ئاساسلىق ئەسەرلىرى: <قەدىمكى شەرقتىكى بەش چوڭ پادىشاھلىق>، <مۇسا ئەلەيھىسسالامنىڭ ھاياتى ۋە ئۆتكەن دەۋرى> قاتارلىقلاردىن ئىبارەت. بۇنىڭدىن باشقا ئاكىسى ھېنرى كرېسىۋىك راۋالىنسون (1810 - 1895) بىلەن، قەدىمكى يۇنان تارىخچىسى ھېرودوتنىڭ <تارىخ> ناملىق ئەسىرىنى ئىزاھلاپ چىققان ھەمدە بۇ كىتابنى ئىنگلىزچىغا تەرجىمە قىلغان.