قال

ئاھاڭداش سۆزلەر پېئىل. قالماق، قېلىش. 1 . بىرەر يەر ياكى بىرەر ھالەتتە تۇرۇشنى داۋاملاشتۇرماق. ئاكام ئۆيدە قالدى. * قازاندا يەنە ئازراق ئاش قالدى. 2 . مىراس بولۇپ كەلمەك. بۇ ئاتام زامانىدىن قالغان كونا گەپ. * بۇ ئات ماڭا دادامدىن قالغان. * كونا جەمئىيەتتىن قالغان يامان ئىللەتلەرنى تۈگىتىش كېرەك. 3 . نورمال ھالەتنى يوقاتماق. ئۇ كۆزىدىن قاپتۇ. تۇرسۇننىڭ كېسىلى ئېغىر ئىكەن. تىلىدىن قاپتۇ. * تاھىر تاماقتىن قالدى. 4 . مەھرۇم بولماق، ئايرىلماق، يوقاتماق. ئۇ بالا ئوقۇشتىن قالغانىكەن . * تۈنۈگۈنكى پويىزدىن قالدىم. * سايلامدا ۋەكىللىكتىن قالدىم. * قاتاردىن قالغۇچە، خاتادىن قال (ماقال) . 5 . مۇسانىقە ياكى ئويۇندا ئۇتتۇرماق، يېڭىلمەك. سەن مۇشۇ قېتىمقى بىلەن تۆت قېتىم قالدىڭ. * كىم قالسا، ئۈستەل ئاستىدىن ئۆتسۇن. * بۇ قېتىمقى چېپىشتا ئامان ئارقىدا قالدى. 6 . بىرەر يامان ھالغا چۈشمەك. ئۇ قۇرۇق گەپكە قاپتۇ. * تۈنۈگۈن كىنوغا بېرىپ، قايتىشتا يامغۇردا قالدىم. * ئىككى ئارىدا خىجىللىقتا قالماق يەنە. * دوستۇڭ قىيىنچىلىقتا قالسا ياردەم قىل. 7 . مەلۇم چەككە يېتىشتە، بەلگىلىك ۋاقىت بارلىقىنى كۆرسىتىدۇ. سائەت ئونغا يەنە بىر سائەت قالدى. ئاھاڭداش سۆزلەر ياردەمچى پېئىل. قالماق، قېلىش. رەۋىشداشلارغا قوشۇلۇپ كېلىپ، ئۇلارغا قوشۇمچە مەنىلەرنى قوشىدۇ: 1 . شۇ رەۋىشلەر بىلدۇرگەن ھەرىكەت، قىلىقلارنىڭ تۇيۇقسىز بولغانلىقىنى ياكى بولۇشقا يېقىنلاپ قالغانلىقىنى بىلدۈرىدۇ. شۇ چاغدا ئۇلار كېلىپ قالدى. * ئۇ بۈگۈن كېلىپ قالىدۇ. * ئويۇن قىزىۋاتقاندا چىراغ ئۆچۈپ قالدى. 2 . ئىش - ھەرىكەتنىڭ تېز ئارىدا بولىدىغالىقىنى بىلدۈرىدۇ. ئۇ كېلەيدە قالدى. * كەچ كىرەي دە قالدى. * ئاش پىشاي دەپ قالدى. 3 . بولۇشسىز تۈرنىڭ كەينىدە كېلىپ، ئىش - ھەرىكەتنىڭ ئىلاجىسىزلىقتىن بولغانلىقنى بىلىدۈرىدۇ. ئۇ ئەمدى بولالماي قاپتۇ. * ياسىن مەجلىسگە كەلمەي قالدى. كلاسسىك ئەدەبىيات سۆزلۈكلىرى ياشانغان كىشى، ياشانغان. كلاسسىك ئەدەبىيات سۆزلۈكلىرى ئەرەبچە سۆز، گەپ، سۆزلىمەك؛ ۋاقىرىماق، سۈرەن سالماق، شاۋقۇن: قالۇمەقال - گەپ - سۆز، شاۋقۇن - سۈرەنلىك گەپ - سۆزلەر؛ قالە - ئېيتتى، سۆزلىدى؛ قالەن - سۆزلەپ، سۆز بىلەن؛ سۆز، گەپ؛ ئۆسەك، پىتنە - پاسات. قەدىمكى ئۇيغۇر تىلى سۆزلۈكلىرى ساراڭ، غالجىر، ئالجىغان