پراۋىن

سۇ مەھسۇلاتلىرى پراۋىننى كىشىلەر سەككىز چوڭ دېڭىز نېمىتىنىڭ بىرى دەپ تەرىپلىشىدۇ، ئۇنىڭ تۈرى ئىنتايىن كۆپ بولۇپ، ئېلىمىزدىن ئون نەچچە خىلى، مەسىلەن، جۇڭگو پراۋىنى، ياپونىيە پراۋىنى، تۈكلۈك پراۋىن، بەنجې پراۋىنى قاتارلىقلار چىقىدۇ، جۇڭگو پراۋىنىنىڭ مەھسۇلاتى ئەڭ يۇقىرى بولۇپ، جۇڭگو ۋە چەت ئەللەرگە مەشھۇر. جۇڭگو پراۋىنى ئاساسلىقى خۇاڭخەي دېڭىزى ۋەبوخەي دېڭىزى ۋادىلىرىدىن چىقىدۇ.70 - يىللارنىڭ باشلىرىدا، جۇڭگو پراۋىنىنى جەنۇبقا كۆچۈرۈپ بېقىش مۇۋەپپەقىيەتلىك بولدى ھەمدە راك جۈپتىنىڭ قىشتىن ئۆتۈشى ۋە سۈنئىي يېتىشتۈرۈش تېخنىكىسى مەسىلىسى ھەل قىلىندى، پراۋىن ئېلىمىز دېڭىز باقمىچىلىقىدىكى مۇھىم نەسىلگە ئايلاندى. ئادەتتە سۈنئىي كۆلدە پراۋىن باققاندا10 - ئاينىڭ ئاخىرلىرى ياكى11 - ئاينىڭ باشلىرى12 سانتېمېتىر ئۆپچۆرىسىگە يېتىدۇ، چوڭلىرى17 سانتېمېتىردىن ئاشىدۇ، بۇ چاغدا ۋاقتىدا تۇتۇش لازىم. پراۋىننى سۈنئىي ئۇسۇلدا بېقىشتا، شۇ يىلى بېقىپ ئەي قىلىنغان جۈپتىنى تاللاپ ئۈستى يېپىق كۆلدە قىشتىن ئۆتكۈزۈلسە، ئۇ ئىككىنچى يىلى3 - ئاينىڭ ئاخىرىدىن4 - ئاينىڭ بېشىغىچە تۇخۇملاپ، راك چىقىرىشقا باشلايدۇ. كىچىك راكلار8 .0 −1 سانتىمېتىرغا يەتكەندە كۆلچەككە كۆچۈرۈپ بېقىلىدۇ.11 -ئايدا تۇتۇش مەزگىلى بولغاندا بەدەن ئۇزۇنلۇقى14 سانتىمېتىردىن ئاشىدۇ. بەزىلەر پراۋىننىڭ ئەركىكى بىلەن چىشىسى بىللە ياشايدۇ، ئۆمرىنىڭ ئاخىرىغىچە بىر - بىرىدىن ئايرىلمىغاچقا «پراۋىن (جۈپ راك)» دەپ ئاتالغان، دەپ قارايدۇ. ئەمەلىيەتتە، پراۋاننىڭ ئەركىكى بىلەن چىشىسى ئادەتتە ناھايىتى ئاز باردى - كەلدى قىلىدۇ، دېڭىزدىن قايتىپ ئۈزگەندىمۇ چىشىسى ئالدىدا يول ئېچىپ ماڭىدۇ، ئەركىكى ئارقىسىدىن ئەگىشىپ ماڭىدۇ، بۇ تەرتىپ ھەرگىزمۇ ئارىلىشىپ كەتمەيدۇ. ئۇنداقتا پراۋىن (جۈپ راك) دېگەن نام قانداق كەلگەن؟ ئەسلىدە ئىلگىرى ئېلىمىزنىڭ شىمالىدىكى بازارلىرىدا ساتقاندا بىر جۈپنى بىرلىك قىلىپ ساتقاچقا شۇنداق ئاتالغان.