پورۋو پارلامېنتى

دۇنيا تارىخى 1809 - يىل 3 - ئايدىن 7 - ئايغىچە فىنلاندىيىنىڭ پورۋو دېگەن جايىدا چاقىرىلغان پارلامېنت. روسىيىنىڭ فىنلاندىيىگە قىلغان تاجاۋۇزچىلىق ئۇرۇشى (1808 - 1809) ئاياغلىشىش ئالدىدا، چارپادىشاھى ئالېكساندر Ⅰ <پۈتكۈل رۇس پادىشاھى ۋە تولۇق ھوقۇقلۇق خان> ھەمدە <فىنلاندىيە كىنەزى> نامىدىن پارلامېنت چاقىرىش توغرىسىدا بۇيرۇق چۈشۈرگەن ھەمدە شەخسەن ئۆزى يىغىنغا قاتناشقان. يىغىن فىنلاندىيىنىڭ روسىيىگە قوشۇلۇپ كېتىشنى ھەمدە ئۇنىڭ روسىيە ئىمپېرىيىسىدىكى قانۇن ۋە ئاساسىي قانۇن تۈزۈش ئورنىنى بېكىتكەن. ئالېكساندر Ⅰ نىڭ كېپىللىك پەرمانى ۋە يارلىقى ئارقىلىق فىنلاندىيىنىڭ ئاساسىي قانۇن ۋە تۈرلۈك قانۇنلىرى ئېتىراپ قىلىنغان. يىغىنغا قاتناشقان تۆت دەرىجىلىك ۋەكىللەر ئالېكساندر Ⅰ نىڭ قانۇنلۇق پادىشاھ (فىنلاندىيە كىنەزى) لىقىغا ھۈرمەت قىلىشقا كاپالەتلىك قىلغان.