دائىرە: ئىسلام ئاتالغۇلىرىبۇ دەسلەپكى چاغلاردىكى شەرىئەتنىڭ مەشھۇر ھۆكۈم مىساللىرىدىن بىرى بولۇپ ھېسابلىنىدۇ. رىۋايەت قىلىنىشىچە، خەلىپە ھەزرىتى ئەلى مەسچىتتە ۋەز ئېيتىۋاتقاندا، بىرەيلەن ئۇنىڭ سۆزىنى بۆلۈۋېتىپ: <بىر كىشى ئۆلۈپ كەتكەندىن كېيىن ئىككى قىزى (مىراسنىڭ ئۈچتىن ئىككى قىسمىنى ئېلىش)، دادىسى (ئالتىدىن بىر قىسمىنى)، ئانىسى (ئالتىدىن بىر قىسمىنى) ۋە ئايالى ئېلىش كېرەك. ئۇنداق بولسا ئايالى قانچىلىك مىراس ئالىدۇ؟> دەپ سورىغانىكەن. ھەزرىتى ئەلى <ئايالىنىڭ نېسىۋىسىنى سەككىزدە بىردىن توققۇزدا بىرگە ئۆزگەرتىش، باشقا تۇغقانلىرىنىڭ نېسىۋىسىنىمۇ مۇشۇ نىسبەت بويىچە ئازايتىش كېرەك> دەپ جاۋاب بېرىپتۇ. كېيىنكى فەقىھلەرنىڭ قارىشىچە، بۇ ھۆكۈمدە مىراس تەقسىم قىلىشقا يەتمىگەندە ئاساسىي ساننى ئۆزگەرتىپ، نىسبەت بويىچە ئازايتىش پرىنسىپىنى قوللىنىش ئېتىراپ قىلىنغان.
