مالائىكە

بۇ ئەرەبچە سۆز بولۇپ، پارسچىدا پەرىشتە دېيىلىدۇ. مالائىكىلەرنى ئاللا نۇردىن ياراتقان بولۇپ، ئۇلار پاك، نۇقسانسىز، جىنىسسىز، قاناتلىق بولىدۇ. سانى كۆپ بولىدۇ. ئاللانىڭ ئەمرىگە ھەر قاچان تەييار تۇرىدۇ، لېكىن ئۇلار ئىلاھىي خىسلەتكە ئىگە ئەمەس. ئاللا ئىنساننىڭ ئەجداتى ئادەم ئەلەيھىسسالامنى ياراتقاندىن كېيىن، مالائىكىلەرنى ئۇنىڭغا سەجد قىلىشقا بۇيرۇدى، ئاللانىڭ تاپشۇرۇقى بىلەن ھەرخىل ۋەزىپىلەرنى بەجا كەلتۈردى. مەسىلەن، بەزى مەلائىكىلەر <ئەرش> نى كۆتۈرۈپ تۇردى. بەزىلىرى جەننەتنى، بەزىلىرى دوزاخنى باشقۇرۇشقا، بەزىلىرى بوران چىقىرىپ يامغۇچ ياغدۇرۇشقا، بەزىلىرى ئىنساننىڭ جېنىنى ئېلىشقا، بەزىلىرى ئىنساننىڭ ئىش - ئەمىلىنى يېزىپ تۇرۇشقا، بەزىلىرى مەشھەرگاھدىكى سوراقتا ئىساننىڭ ياخشى گېپىنى قىلىشقا مەسئۇل بولدى؛ مالائىكىلەرنىڭ ئاساسىي ۋەزىپىسى <ئاللانىڭ ئەمرىگە بىنائەن ئىنساننى نازارەت قىلىش>، ئىنسانغا ئاللانىڭ ۋەھىيسىنى يەتكۈزۈش، كىتابقا گۇۋاھ بولۇشتىن ئىبارەت. مالائىكىلەر ئىچىدىكى تۆت مالائىكە ئەڭ مەشھۇر. <مالائىكىلەرگە ئىمان كەلتۈرۈش> ئىسلام دىنىدىكى ئالتە ئىماننىڭ بىرى بولۇپ ھېسابلىنىدۇ. <قۇرئان كەرىم> دىكى 77 - سۈرىنىڭ ماۋزۇسى <مۇرسەلات> (مالائىكە) دەپ ئاتالغان. ئۇيغۇر تىلى ئۇنۋېرسال سۆزلۈكلەر ئىسىم ئەرەبچە پەرىشتە.

مالائىكە[سۆز تۈركۈمى:] ئىسىم.[تىل تەۋەلىكى:]］ئەرەبچە［[يەشمىسى:] پەرىشتە.