كائۇنتىس

دۇنيا تارىخى (1711 - 1794) ئاۋستىرىيەنىڭ باش ۋەزىرى (1753 - 1792). 1742 - 1744 - يىللىرى تۇرنىدا تۇرۇشلۇق ئەلچى بولغان. 1750 - 1753 - يىللىرى فرانسىيىدە تۇرۇشلۇق باش ئەلچى بولغان. باش ۋەزىر بولغاندا، <تەرەققىيپەرۋەر پادىشاھلىق تۈزۈم> ۋە ھوقۇق مەركەزلەشتۈرۈلگەن تۈزۈمنى قوللىغانلىقتىن، مارىيە تېرېسانىڭ ئىشەنچىسىگە ئېرىشىپ، ئەمەلىي ھوقۇقنى ئۆز قولىدا تۇتقان. سىياسىي ئىسلاھات ئېلىپ بېرىشقا ئۇرۇنغان بولسىمۇ مۇۋەپپەقىيەت قازىنالمىغان. 1756 - يىلى 5 - ئايدا فرانسىيە - ئاۋسترىيە ھۇجۇم - مۇداپىئە ئىتتىپاقىنى قۇرۇپ، پرۇسسىيىگە قارشى تۇرغان. يەتتە يىللىق ئۇرۇش مەزگىلىدە، ياۋرۇپادىكى كۈچلۈك دۆلەتلەرنىڭ زىددىيىتىدىن پايدىلىنىپ، فرانسىيە، روسىيە، شۋېتسىيە قاتارلىق دۆلەتلەر بىلەن بىرلىشىپ، پرۇسسىيىگە قارشى ئىتتىپاق تۈزگەن. جوسىف Ⅱ ھاكىمىيەتنى قولغا ئالغاندىن كېيىن، ئۇنىڭ سىياسىي تەسىرى بارغانسېرى تارىيىپ بارغان. 1790 - يىلى لېئوپولد Ⅱ بىلەن پرۇسسىيە تۈزگەن <رېسېنباخ كېلىشىمى>گە پۈتۈن كۈچى بىلەن قارشى تۇرغان. 1792 - يىلى فرانس Ⅱ نىڭ پرۇسسىيە بىلەن ئاۋستىرىيىنىڭ فرانسىيىگە قارشى ئىتتىپاق تۈزگەنلىكى سەۋەبى بىلەن ئىستىپا بەرگەن.