كاككۇكگۈل

بىئولوگىيە 杜鹃花 dùjuānhuā كاككۇكگۈل ئائىلىسىگە كىرىدۇ، يېرىم دائىم يېشىل تۇرىدىغان ياكى يوپۇرماق تاشلايدىغان چاتقال. شېخى ئىنچىكە ئۇزۇن بولۇپ، پارقىراق قوڭۇررەڭ ياكى جىگەررەڭ ياپىلاق يىرىك تۈكچىلەر قاپلاپ تۇرىدۇ، پوپۇرمىقى نۆۋەتلىشىپ ئۆسىدۇ، نېپىز، شەكلى ئېللىپس شەكىللىك تۇخۇمسىمان، يىرىك تۈكچىلەر ئۆستۈنكى يۈزىدە شالاڭ، ئاستىنقى يۈزىدە قويۇق بولىدۇ. 2 - 6 دانە گۈلى شاخ ئۇچىدا توپلىشىپ ئۆسىدۇ، گۈل كاسىسى بەشكە چوڭقۇر يېرىلىدۇ، زىچ ئۆسكەن يىرىك تۈك ۋە كىرپىك تۈكچىلەر بولىدۇ، گۈلتاجى ئەتىرگۈل رەڭ ئوچۇق قىزىل ياكى قىزىل، كەڭ ۋارونكىسىمان، بەشكە يېرىلىغان، يېرىق ياپراقچىلاردا قېنىق قىزىل داغلار بولىدۇ. غوزا مېۋىسى تۇخۇم شەكىللىك بولۇپ، زىچ ئۆسكەن يىرىك تۈكچىلەر بولىدۇ. چاڭجياڭ ۋادىسىدىكى ھەرقايسى ئۆلكىلەرگە كەڭ تارقىلىدۇ. شەرقتىن تەيۋەن، غەربتىن سىچۈەندىن يۈننەنگىچە بولىدۇ، يۇمىلاق تۆپىلىكتىكى شالاڭ ئۆسكەن چاتقاللىقتا توپلىشىپ ئۆسىدۇ. ئۇ بىرخىل كۆركەم ۋە دائىم ئۇچرايدىغان مەنزىرە ئۆسۈملۈكى. شۇنداقلا كىسلاتالىق تۇپراقنىڭ كۆرسەتكۈچ ئۆسۈملۈكى. بۇ ئۇرۇقداشتا تەخمىنەن 800 تۈر بار، ئۇلار شىمالىي مۆتىدىل بەلباغقا تارقالغان بولۇپ، جۇڭگودا تەخمىنەن 650 تۈرى بار، شىنجاڭدىن باشقا ئۆلكىلەرگە تارقىلىدۇ، غەربىي جەنۇب بىلەن غەربىي قىسىمدا ئەڭ كۆپ بولۇپ، ئۇنىڭ جۇڭگو ۋە چەت ئەلگە داڭلىق نۇرغۇن تۈرلىرى بار. باغۋەنچىلىك,ئۆسۈملۈك,ئورمانچىلىق 杜鹃花 dù juān huāDئۆسۈملۈك 杜鹃 dù juānDتېببىي كاككۇكگۈل (مۇرەككەپ گۈللۈكلەر ئائىلىسىدىكى مامكاپ) 蒲公英 pú gōng yīngDئۇنىۋېرسال 映山红 yìng shān hóngDئۆسۈملۈك 映山红 yìng shān hóngDئۆسۈملۈك 牛皮杜鹃 niú pí dù juān ئۇنىۋېرسال (ئى) dù juān huā ，yìng shān hóng 〈zhí 〉 杜鹃花，映山红〈植〉