يىغىشتۇرماق

ئۇيغۇر تىلى ئۇنۋېرسال سۆزلۈكلەر پىئېل يېيىلغان، چېچىلغان نەرسىلەرنى رەت - رېتى بويىچە يىغىپ، بىر يەرگە جەم قىلماق، رەتلىك توپلىماق، يىغماق. ئۇ ياتاق ئۆيگە كىرىپ ئوغلىنىڭ ئورۇنلىرىنى يىغىشتۇرۇشقا باشلىدى. بىرەر ئىش - پائالىيەت ئۈچۈن ۋاسىتە بولىۋاتقان تۈرلۈك نەرسە - كېرەكلەرنى يىغماق، يىغىپ بىر چەتكە قويماق. ئۇلار داستىخاننى يىغىشتۇرۇپ، ئورۇنلىرىدىن تۇرۇشقا تەمشەلدى. پاكىز، رەتلىك ھالەتكە كەلتۈرمەك، رەتلەپ تازىلىماق. - ماڭا ھېچ گەپ ئەمەس، - دېدى جەمىلە ئۆيىنى يىغىشتۇرۇۋېتىپ. كۆچمە. ئىش - ھەرىكەت، پائالىيەتنى توختاتماق، تاشلاپ قويماق، بەرھەم بەرمەك. ئۇ كۈلكىلىرىنى يىغىشتۇردى - دە، جوزىغا بېشىنى قويۇۋېلىپ يىغلاشقا باشلىدى. كۆچمە. يوقاتماق، ۋەيران قىلماق. ئۇلار قاراقچىلارنى يىغىشتۇرۇپ، ئۆتەڭنى تىنچلاندۇرۇپتۇ. ئۆزىگە تەئەللۇق بولغان نەرسىلەرنى يىغىپ، ئۆز ئىلكىگە ئۆتكۈزۈۋالماق، ئوڭۇشلۇق ھالدا يىغىۋالماق، توپلاپ ئۆز ئىلكىگە ئالماق. - ئۆزۈڭنىڭ ئىشىنى بىل، - دەپ ۋارقىرىدى توختاخۇن، - بۇغداينى كېلىپ بىر كۈندىلا يىغىشتۇرۇپ بولىمەن. سەندەك نېمىلەرگە ئېغىرىمنى سالغۇچە ئۆلۈۋالىمەن!