يەرگە خىش يېيىتىش ئىلمى

ماتېماتىكا بىلىملىرى يەرگە يېيىتىلىدىغان موزايكا خىشنىڭ قانداقلا نەقىش چىقىرىلمىسۇن، خىش ھامان كۋادرات ياكى مۇنتىزىم ئالتە تەرەپلىك شەكىللىك بولىدۇ. مۇشۇ ئاددىي ھۈنەرگىمۇ گېئومېتىرىيە مەسىلىلىرى يوشۇرۇنغان. بىرنەچچە مۇنتىزىم كۆپ تەرەپلىك خىشنى تەكشى يېيىتىش (ئېگىز - پەس قىلماسلىق)، ھىم بىرىكتۈرۈش (ئاراش قويماسلىق) ئۈچۈن، خىشلارنىڭ بىرىكتۈرۈلگەن بۇلۇڭلىرىنىڭ يىغىندىسى °360 بولۇشى كېرەك، بۇنىڭ ئۈچۈن، ئاددىي بىرنەچچە مۇنتىزىم كۆپ تەرەپلىكنىڭ ئىچكى بۇلۇڭلىرىنى تىزىپ چىقايلى: ئەگەر بىر خىللا شەكىلدىكى خىش يېيىتىلماقچى بولسا، مۇنتىزىم ئۈچبۇلۇڭ، كۋادرات، مۇنتىزىم ئالتە تەرەپلىك شەكلىدىكىلىرى بولۇشى كېرەك.6 دانە ئۈچبۇلۇڭ شەكىللىك،4 دانە كۋادرات شەكىللىك،3 دانە مۇنتىزىم ئالتە تەرەپلىك شەكىللىك خىشلارنى °360 قىلىپ بىرىكتۈرگىلى بولىدۇ. بىراق، پەقەت ئۈچبۇلۇڭلۇق خىشلار يېيىتىلسا چىرايلىق كۆرۈنمەيدۇ. ئادەتتە يېيىتىش قۇلاي بولسۇن ئۈچۈن، كۋادرات شەكىللىك ۋە مۇنتىزىم ئالتە تەرەپلىك خىشلار ئىشلىتىلىدۇ. مۇنتىزىم5 ،8 ،9 ،10 ،12 تەرەپلىك خىشلارنى يالغۇز ئىشلەتسە، تەكشى يېيىتقىلى بولمايدۇ، بىرنەچچە خىل مۇنتىزىم كۆپ تەرەپلىك خىشنى بىللە ئىشلىتىش ئۈچۈن، بۇلۇڭلارنىڭ يىغىندىسى °360 بولۇش تەلىپىگە ئاساسەن، تۆۋەندىكى جەدۋەلدە كۆرسىتىلگەن بىرنەچچە ئەھۋالدىن پايدىلانساق بولىدۇ، ئەلۋەتتە، بۇنىڭدىن باشقىمۇ نۇرغۇن ئەھۋاللار بار. ھەربىر خىل بىرىكتۈرۈشتە، يەنە تىزىش تەرتىپىنىڭ ئوخشىماسلىقىغا بېقىپ، ھەر خىل نەقىش نۇسخىلىرى كېلىپ چىقىدۇ.