گەزمال بېجى

دۇنيا تارىخى 保布 bǎo bù چاۋشيەننىڭ لى خاندانلىقى مەزگىلىدە ھەربىي قوشۇنلارنى قامداش ئۈچۈن يولغا قويولغان ماددىي باج تۈرلىرىنىڭ بىرى. ھەربىي باج ئۈچۈن گەزمال تۆلەنگەنلىكتىن گەزمال بېجى دەپ ئاتالغان. 1469 - يىلى (رۇي زۇڭنىڭ تۇنجى يىلى)، <يۇرت سوراش قانۇنلىرى>دا ھەربىي باج ئۈچۈن ھەربىر ئادەم ھەر ئايدا بىر توپ رەخت ياردەم قىلىش كېرەك دەپ بەلگىلەنەەن. ئەسكەرلەرنىڭ بۇلاڭ - تالاڭچىلىق قىلمىشلىرى تۈپەيلىدىن كېلىپ چىققان زىيان ھەددىدىن زىيادە كۆپ بولۇپ كەتكەچكە 1516 - يىلى (جۇڭ زۇڭنىڭ 11 - يىلى) ھۆكۈمەت تەرىپىدىن يىغىۋېلىشقا ئۆزگەرتىلىپ، ھەربىر ئادەم يىلىغا ئىككى توپ رەخت تۆلەيدىغان بولغان. گەزمال بېجى ئۆزگىرىپ نوپۇس بېجى بولۇپ قالغان. 1751 - يىلى (يىڭ زۇنىڭ 27 - يىلى) ھەربىي مەجبورىيەت قانۇنى يولغا قويۇلغاندىن كېيىن، گەزمال بېجىنىڭ يېرىمى ئازايتىلىپ، ئۇنىڭ ئورنىغا ئالتە كۈرە گۈرۈچ ئېلىنىدىغان بولغان. تېرىق پۇرچاق، ياغاچ قاتارلىقلارنىمۇ باج ئورنىدا تاپشۇرۇشقا رۇخسەت قىلىنىپ، بۇلار ئايرىم - ئايرىم ھالدا گەزمال بېجى، گۈرۈچ بېجى، تېرىق بېجى، پۇرچاق بېجى، ياغاچ بېجى قاتارلىق ناملاردا ئاتالغان. 1871 - يىلى (گاۋزۇڭنىڭ 8 - يىلى) ھەربىي باج بىلەن بىرۋاقىتتا بىكار قىلىنغان.