فوسفاتازا

بىئولوگىيە فوسفاتتىكى ئېستېر بېغىنى گىدرولىزلايدىغان ئېنزىم بولۇپ، تەسىر قىلىدىغان ئاساسىي ماددىسىنىڭ ئوخشىماسلىقىغا ئاساسەن، فوسفات كىسلاتا مونو ئېستېرازا ۋە فوسفات كىسلاتا دى ئېستېرازىلارغا بۆلۈنىدۇ. فوسفات كىسلاتا مونو ئېستېرازا تەسىر قىلىشتا كېرەك بولىدىغان ھىدروگېن ئىئونىنىڭ كونسېنتراتسىيىسىنىڭ ئوخشىماسلىقىغا ئاساسەن، يەن كىسلاتارلىق فوسفات كىسلاتا ئېنزىمى ۋە نېيترال فوسفات كىسلاتا ئېنزىمىغا بۆلۈنىدۇ. پروستاتا بېزى راكىغا گىرىپتار بولغۇچىنىڭ قان زەردابىدا فوسفوئېسترازىنىڭ ئاكتىپلىقى يۇقىرىلاپ كېتىدۇ، كلىنىكىدا بۇ دائىم شۇ كېسەلگە دىئاگنوز قويۇشنىڭ كۆرسەتكۈچى قىلىنىدۇ. قان زەردابىدىكى ئىشقارلىق فوسفات كىسلاتا ئېنزىمىنىڭ ئاكتىپلىقىنى ئېنىقلاش دائىم ئىسكىلىت، جىگەر، ئۆتلەرنىڭ كېسەللىكتىن ئۆزگىرىشى، جىگەر راكى ۋە توسۇلۇش خاراكتېرلىك سېرىق كېسەلگە دىئاگنوز قويۇشتا ئىشلىتىلىدۇ. فوسفات كىسلاتا دى ئېستېرازا پېنتسىللىن، يىلان زەھىرى 5 - فوسفو دى ئېستېرازا، تال (ياكى ئېچىتقۇ) 3 - فوسفو دى ئېستېرازا، يادرو كىسلاتاسىنىڭ تۈزۈلۈشىنى ئانالىز قىلىشتا مۇھم ئورۇندا تۇرىدىغان RNA ئېنزىمى، DNA ئېنزىمىنى ئۆز ئىچىگە ئالىدۇ.