فلاندرس

佛兰德斯 fó lán dé sī فلاندىرىيە دەپمۇ تەرجىمە قىلىنىپ كەلگەن. غەربىي ياۋرۇپادىكى تارىخىي يەر نامى بولۇپ، ھازىرقى بېلگىيىنىڭ شەرقىي، غەربىي فلاندىر ئۆلكىسى ۋە فرانسىينىڭ نورد ئۆلكىسىنى ئۆز ئىچىگە ئالىدۇ. ئوتتۇرا ئەسىرنىڭ باشلىرى فرانك پادىشاھلىقىنىڭ بىر قىسمى بولۇپ كەلگەن. مىلادى 843 - يىلدىكى <ۋېردىن شەرتنامىسى>غا بىنائەن كۆپ قىسمى غەربىي فرانكقا تەۋە بولغان. Ⅸ ئەسىرنىڭ كېيىنكى يېرىمىدا گرافلىققا ئايىلىنىپ، فرانسىيە كورۇلىغا بېقىنىپ كەلگەن. ئۇ يەردە سودا - سانائەت تەرەققى تاپقان. 1302، 1337 - ۋە 1382 - يىللىرى بەزى شەھەرلىرىدە گراف ۋە فرانسىيە كورۇلىغا قارشى قوزغىلاڭ پارتىلىغان. 1384 - يىلى بۇرگۇندىيە گرېتسوگلىققا تەۋە بولغان. 1477 - يىلى ھابىسبۇرگ خاندانلىقىنىڭ ھۆكۈمرانلىقى ئاستىغا ئۆتكەن. 1556 - يىلى ئىسپانىيىگە قاراشلىق نىدېرلاندىيىنىڭ بىر قىسمىغا ئايلانغان.