دە

ئۇيغۇر تىلى ئۇنۋېرسال سۆزلۈكلەر يۈكلەنمە قوشما جۈملىنىڭ ئالدىنقى بۆلىكىنىڭ ئاخىرىغا ئۇلىنىپ، كېيىنكى بۆلەكتە ئىپادىلەنگەن ھەرىكەتنىڭ تېزدىن ئىشقا ئاشقانلىقى ياكى ئاشىدىغانلىقىنى بىلدۈرىدۇ. ئۇ ھارۋىدىن چۈشتى - دە، ئۆيگە قاراپ چاپتى. جۈملىدە ئىپادىلەنگەن ئىشنىڭ ماختاش، قايىل بولۇش، سۆيۈنۈش تەرزىدە ئېيتىلغانلىقىنى بىلدۈرىدۇ. ناخشا دېگەننى سويىدۇ - دە، بۇ قىز. جۈملىدە ئىپادىلەنگەن ئىشنىڭ ئۆكۈنۈش، ئەپسۇسلىنىش تەرزىدە ئېيتىلغانلىقىنى بىلدۈرىدۇ. شۇنداق قىلىپ، بۇ مال قولدىن چىقىپ كېتىدىغان بولدى - دە. جۈملىدە ئىپادىلەنگەن ئىشنىڭ ئەيىبلەش، تاپا قىلىش تەرزدە ئېيتىلغانلىقىنى بىلدۈرىدۇ. ساقىلىڭغا ئاق كىردى، تېخى ئادەم بولمىدىڭ - دە. گەپكە سوئال تۈسىنى بېرىدۇ. بۇ ئاياغدىن سىزمۇ بىر كىشىلىك ئاپسىز - دە؟ جۈملىدە ئىپادىلەنگەن ئىشنىڭ ئارزۇ، ئىستەك تەرزدە ئېيتىلغانلىقىنى بىلدۈرىدۇ. مۇزدەك سۇ بولغان بولسا قانغۇچە ئىچەتتى - دە، كىشى. جۈملىدە ئىپادىلەنگەن چۈشەنچىنىڭ يېڭى ھاسىل بولغانلىقىنى كۈچەيتىش رولىنى ئوينايدۇ. بۇ پىتنە - پاسات سۆزلەرنى سەن يېيىپ يۈرۈپتىكەنسەن - دە. جۈملىدە ئىپادىلەنگەن ئىشنىڭ ئەقىلگە مۇۋاپىق ئىكەنلىكىنى كۈچەيتىش تەرزدە ئېيتىلىدۇ. ئۇمۇ جان بېقىش ئۈچۈن ئوقەت قىلىشى لازىم - دە. جۈملىدە ئىپادىلەنگەن ئىشنىڭ بولغىنىچىلا ئورۇندىلىشىنى بىلدۈرىدۇ. تاڭنى ئاتقۇزدۇق - دە، بىر ئامال قىلىپ. جاۋاب بەردىم - دە، بىر نېمىلەرنى دەپ.