بىر مىڭ سەككىز يۈز يىگىرمە ۋە يىگىرمە بىرىنچى يىللاردىكى نىئاپول ئىنقىلابى

دۇنيا تارىخى نىئاپول پادىشاھلىقى(ئىككى سىتسىلىيە پادىشاھلىقى دەپمۇ ئاتىلىدۇ)دىكى بۇرژۇئا ئىنقىلابى. 1820-يىل 7-ئاينىڭ 2-كۈنى، ئىتالىيە كوكسچىلىرى ئىسپانىيە ئىنقىلابى غەلىبىسىنىڭ ئىلھامى بىلەن ئىتالىيىنىڭ جەنۇبىي قىسمىدىكى نىئاپول پادىشاھلىقىدا قوزغىلاڭ قىلغان. گېنېرال پېيى قوماندانلىقىدىكى قوزغىلاڭچى ئارمىيە تېز ۋاقىت ئىچىدە نىئاپول قاتارلىق مۇھىم شەھەرلەرنى تىزگىنلىگەن. قوزغىلاڭچىلار ۋېنا يىغىنىدىن كېيىن ئەسلىگە كەلتۈرگەن فېئودال تەرتىپلەر بىلەن 1812-يىلدىكى ئىسپانىيە ئاساسىي قانۇنىنى يولغا قويۇشنى بىكار قىلىشنى تەلەپ قىلغان. 7-ئاينىڭ 6-كۈنى كورۇل فېردىنادⅠئاساسىي قانۇن جاكارلاپ ھەمدە 10-ئاينىڭ 1-كۈنى پارلامېنت چاقىرىشنى ئېلان قىلىشقا مەجبۇر بولغان. بىراق قوزغىلاڭچىلارنىڭ رەھبەرلىرى دېھقانلارنىڭ يەر تەقسىم قىلىپ بېرىش تەلىپىگە ئېتىبارسىز قارىغانلىقتىن، ئىنقىلابنىڭ ئاساسى ئاجىزلاپ كەتكەن. 1821-يىلى 3-ئايدا مۇقەددەس ئىتتىپاقنىڭ قوللىشى بىلەن ئاۋستىرىيە فېردىناند Ⅰنىڭ تەلىپىگەئاساسەن ئەسكەر ئەۋەتىپ ئارىلاشقان، ئىنقىلاپ شۇنىڭ بىلەن ۋەھشىيلەرچە باستۇرۇلغان.