ئۆسۈملۈكلەر تاكسونومىيىسى

بىئولوگىيە 植物分类学 zhíwùfēnlèixué ئۆسۈملۈكلەرنىڭ تەدرىجىي تەرەققىيات دەرىجىسى ۋە مورفولوگىيە، تۈزۈلۈش، فىزىئولوگىيە، بىئوخىمىيە قاتارلىق جەھەتلەردىكى ئالاھىدىلىكلىرىنىڭ ئوخشىماسىقىغا ئاساسەن، ئۆسۈملۈكلەرنى تىپ ۋە تۈرلەرگە ئايرىپ سىستېمىلاشتۇرىدىغان پەن. ئۇ ئۆسۈملۈكلەر مورفولوگىيىسى، ئۆسۈملۈكلەر ئاناتومىيىسى، ئۆسۈملۈكلەر ئېمبرىئولوگىيىسى، ئۆسۈملۈكلەر جۇغراپىيىسى، ئۆسۈملۈكلەر ئېكولوگىيىسى، سىتولوگىيە، گېنېتىكا، بىئوخىمىيە، پائىئونتولوگىيە قاتارلىق پەنلەر بىلەن ئۆز ئارا زىچ مۇناسىۋەتكە ئىگە. ھازىرقى زامان ئۆسۈملۈكلەر تاكسونومىيىسى مۇشۇ پەننىي بىلىملەرگە تايىنىپ، بىر تەرەپتىن ئۆسۈملۈكلەرنىڭ مورفولوگىيىلىك تۈزۈلۈشى ۋە فىزىئولوگىيىلىك ئالاھىدىلىكىنى ئومۇملاشتۇرۇپ چوڭقۇر تەتقىقات ئېىپ بېرىپ، ئۆسۈملۈكلەر دۇنياسىنىڭ تەدرىجىي تەرەققىي قىلىش ئەھۋالى ھەمدە ئۆسۈملۈكلەر ئوتتۇرىسىدىكى ئۇرۇق - تۇغقانلىق مۇناسىۋىتىنى ئومۇميۈزلۈك ئەكىس ئەتتۈرسە، يەنە بىر تەرەپتىن يۇقىرىقى ھەر قايسى پەنلەرنىڭ تەرەققىياتى ئاساسىدا، ئۆسۈملۈكلەر مەنبەسىنى ئېچىش ۋە پايدىلىنىش قاتارلىق جەھەتلەردە مۇھۇم رول ئوينىماقتا.