ئۆستۈرگۈچ

بىئولوگىيە مىكرو ئورگانىزملارنىڭ ئۆسۈپ كۆپىيىشىگە بەرداشلىق بېرەلەيدىغان ياكى مېتابولىزم مەھسۇلاتلىرى يىغىلىدىغان ماددىلاردىن تەركىب تاپقان ئاساسىي ئوزۇقلۇق ماددا. ئۆستۈرگۈچتىكى ئوزۇقلۇق ماددىلار ئايرىم - ئايرىم ھالدا ھۈجەيرىلەرنىڭ تۈزۈلۈش تەركىبىگە قاتنىشىدۇ، ياكى ھۈجەيرىلەرنىڭ مېتابولىزملىق ئاكتىپچانلىقى بىلەن ئۆتكۈزۈشچانلىقىنى ئۆز ئۈستىگە ئالىدۇ. ياكى ئانتىگېننى ھاياتلىق ھەرىكەت ئۈچۈن زۆرۈر بولغان ئېنېرگىيە بىلەن تەمىنلەيدۇ. مىكرو ئورگانىزم ئوخشاش بولمىسا ئۆستۈرگۈچنىڭ تەركىبىمۇ ئوخشاش بولمايدۇ. ئۆستۈرگۈچ ئاساسەن مىكرو ئورگانىزملارنى ئايرىش، ئۆستۈرۈش، باھالاش، باكتېرىيە ئۇرۇقلىرىنى ساقلاش ۋە سانائەتتە ئېچىتىش قاتارلىقلارغا ئىشلىتىلىدۇ. ئۇ تۈزۈلۈش تەركىبىگە ئاساسەن تەبىئىي ئۆستۈرگۈچ ۋە بىرىكتۈرمە ئۆستۈرگۈچكە، فىزىكىلىق خۇسۇسىيىتىگە ئاساسەن سۇيۇق ئۆستۈرگۈچ، قاتتىق ئۆستۈرگۈچ ۋە يېرىم قاتتىق ئۆستۈرگۈچكە، ئىشلىتىلىشىگە ئاساسەن سپورا ئۆستۈرگۈچ، ئۇرۇق ئۆستۈرگۈچ، ئېچىتقۇ ئۆستۈرگۈچ، تاللاش خۇسۇسىيەتلىك ئۆستۈرگۈچ، پەرقلەندۈرگۈچى ئۆستۈرگۈچ ۋە كۆپەيتكۈچى ئۆستۈرگۈچ قاتارلىقلارغا بۆلۈنىدۇ. قايسى خىل ئۆستۈرگۈچ بولۇشىدىن قەتئىينەزەر، تەييارلاپ بولغاندىن كېيىن ھەممىسىنىڭ PH قىممىتى تەڭشىلىدۇ، ئۇنىڭدىن كېيىن قاچىلاپ مىكروبلىرىنى ئۆلتۈرۈپ ئىشلىتىشكە تەييار قىلىنىدۇ. ئۇيغۇر تىلى ئۇنۋېرسال سۆزلۈكلەر ئىسىم بىئولوگىيە مىكرو ئورگانىزملارنى، ئۆسۈملۈك ۋە ھايۋانلارنىڭ توقۇلمىسىنىڭ ئۆسۈشىنى تەمىنلەش ئۈچۈن ئىشلىتىلىدىغان ئوزۇقلۇق تەركىبى، باشقا ئورگانىك ۋە ئانئورگانىك ماددىلار.