ئايلاندۇرۇش

بىئولوگىيە بىر باكتېرىيە نەسلىدىشى (تەمىنلىگۈچى تەنچە) دن ئايرىۋېلىنغان ۋە ساپلاشتۇرۇلغان ئايلاندۇرغۇچى فاكتور سۈپىتىدىكى DNA بىلەن باشقا بىر باكتېرىيە نەسلىدىشى (ئاكسېپتور) نى بىر تەرەپ قىلىپ، تەمىنلىگۈچى تەنچە DNA سىنى قىسمەن ئاكسېپتور باكتېرىيىسىگە سىڭدۈرۈپ گېن گۇرۇپپىسىغا كىرگۈزۈش بىلەن بەزى ئىرسىيەت ئالامەتلىرىنى نىشانلىق ھالدا ئۆزگەرتىش ھادىسىسىدۇر. ئايلاندۇرۇش ھادىسىسى ئالدى بىلەن ئۆپكە ياللۇغى قوش شارسىمان باكتېرىيىسىدە، كېيىن يەنە نۇرغۇنلىغان باكتېرىيىلەردە بايقالغان. ھەقىقىي يادرولۇق جانلىقلاردىمۇ ئايلاندۇرۇش ھادىسىسى مەۋجۇت بولىدۇ. ئايلاندۇرۇشتا سىرتقى مەنبەلىك DNA لا ئەمەس، RNA مۇ قوللىنىلىدۇ. سىرتقى مەنبەلىك يادرو كىسلاتاسىنىڭ ئايلاندۇرۇش رولى بىر خىل ئىرسىيەت قۇرۇلۇش تېخنىكىسى ھېسابلىنىدۇ.