خروموسومىلارنىڭ ئابېرراتسىيىسى

بىئولوگىيە خروموسومىلارنىڭ سانىنىڭ ئېشىشى، ئازىيىشى ۋە تۈزۈلۈشىنىڭ ئۆزگىرىشى بولۇپ، سىتولوگىيىلىك ئۇسۇلدىن پايدىلىنىپ تەكشۈرگىلى بولىدۇ. خروموسومىلارنىڭ ئابېرراتسىيىسى ئىرسىي ماددىسىنىڭ زور ئۆزگىرىشىياكى توساتتىن ئۆزگىرىشى بولۇپ، خروموسومىلارنىڭ ئابېرراتسىيىسى تەبىئىي پەيدا بولىدۇ، فىزىكا، خىمىيىلىك ئامىللاردىن پايدىلىنىپ سۈنئىي ھالدا ئىندۇكسىيىلەپ پەيدا قىلغىلىمۇ بولىدۇ. ئىندۇكسىيىلىك ئابېرراتسىيىنىڭ چاستوتىسى زور دەرىجىدە ئاشىدۇ. خروموسومىلارنىڭ غەيرىي ئۆزگىرىشى تۈرلەرنىڭ ئېۋۇلۇتسىيىسىدە مۇھىم ئەھمىيەتكە ئىگە بولۇپ، ھايۋان ۋە ئۆسۈملۈكلەرنىڭ تۈرلىرىنى يېتىشتۈرۈش ئىشلىرىدا دائىم قوللىنىلىدۇ.