خوتەن ۋىلايەتلىك بىرىنچى ئوتتۇرا مەكتەپ

شىنجاڭ مائارىپى ئادەتتىكى ئوتتۇرا مەكتەپلەر مائارىپى ئۇيغۇر تىلىدا دەرس ئۆتۈلىدىغان ئاپتونوم رايونلۇق نۇقتىلىق ئوتتۇرا مەكتەپ بولۇپ، 1953 - يىلى قۇرۇلغان. مەكتەپنىڭ ئىگىلىگەن يەر كۆلىمى 51948 كۋادرات مېتىر، قۇرۇلۇش كۆلىمى 14645 كۋادرات مېتىر. بۇنىڭدىن باشقا يەنە شەھەر ئەتراپىدىكى نەزەر باغدا يەر كۆلىمى 99900 كۋادرات مېتىر كېلىدىغان مەكتەپنىڭ دېھقانچىلىق مەيدانى بار. ھەر تۈرلۈك ئەسلىھەلىرى مۇكەممەل، ئوقۇتۇشنى باشقۇرۇش زامانىۋىلىشىشقا يۈزلەنگەن. مەملىكەتلىك ئەخلاقى تەربىيە ۋە مىللەتلەر ئىتتىپاقلىقىدىكى نەمۇنە مەكتەپ بولۇپ باھالانغان. يەنە ئىلگىرى - كېيىن بولۇپ 17 قېتىم مەملىكەتلىك، ئاپتونوم رايونلۇق، ۋىلايەتلىك <مىللەتلەر ئىتتىپاقىلى>، <مەدەنىيەت قۇرۇلۇشى>، <قانۇن خىزمىتىنى ئومۇملاشتۇرۇش>، <خەنزۇ تىلى ئوقۇتۇش>، <ئوتتۇرا مەكتەپ تەجرىبە خىزمىتى> قاتارلىقلاردا ئىلغار ئورۇن بولۇپ باھالانغان. 66 ئادەم مەملىكەت، ئاپتونوم رايون، ۋىلايەت تەرىپىدىن مۇكاپاتلانغان. 1999 - يىلدىكى رەسمىي ئوقۇتقۇچى سانى 121 نەپەر، ئوقۇغۇچى سانى 1370 نەپەر.