سېرۋانتېس

دۇنيا تارىخى (1547 - 1616) ئىسپانىيىلىك يازغۇچى، ۋەيران بولغان ئاقسۆڭەك ئائىلىسىدە تۇغۇلغان. 1571 - يىلى 10 - ئايدا، ئىسپانىيە - ۋېنېتسىيە فلوتىنىڭ تۈركىيە فلوتى بىلەن لېپانتو يېنىدا ئېلىپ بارغان دېڭىز ئۇرۇشىغا قاتناشقان. بۇ ئۇرۇشتائېغىر يارىدار بولۇپ، سول قولىدىن ئايرىلغان. 1575 - يىلى ۋەتەنگە قايتىش سەپىرىدە،دېڭىز قاراقچىلىرى تەرىپىدىن ئەسىرگە ئېلىىپ، ئالجىرىيىدە قامالغان. 1580 - يىلى تۇغقانلىرىنىڭ تۆلەم بېرىشى ئارقىسىدا ئەركىنلىككە ئېرىشىپ مادرىدقا قايتقان. كېيىن تۇرمۇش قىيىنچىلىقى بىلەن باجگىر بولغان ھەمدە ئومۇمنىڭ پۇلىنى ئوغرىلىدى،دەپ ئىككى قېتىم تۈرمىگە تاشلانغان.ئۇنىڭ ۋەكىللىك ئەسىرى - <دونكىخوت>. ئۇ تۈرمىدىكى ۋاقتىدا ماتېرىيال توپلاپ قويغان، مەزكۇر رومان جەمئىي ئىككى قىسىم بولۇپ، ئايرىم - ئايرىم ھالدا 1605 - يىل ۋە 1615 - يىلى ئېلان قىلىنغان. ئەسەردە ئاساسەن 16 - ئەسىرنىڭ ئاخىرى ۋە 17 -ئەسىرنىڭ باشلىرىدىكى ئىسپانىيە جەمئىيىتىنىڭ قاراڭغۇلۇق تەرىپى، رىتسارلار تەبىقىسىنىڭ زاۋالغا يۈز تۇتقانلىقى، چېركاۋنىڭ زورلۇق - زۇمبۇلۇقى ۋە خەلقنىڭ جاپا -مۇشەققىتى ئەكس ئەتتۈرۈلگەن، ئەدەبىيات - سەنئەتنىڭ قايتا گۈللىنىش دەۋرىدىكى بىر نادىر رىئالىزملىق رومان بولۇپ ھېسابلىنىدۇ. باشقا مۇھىم ئەسەرلەردىن 1582 - يىلى ئېلان قىلىنغان <نۇرمېنسىيا> دېگەن تارىخىي تىراگىدىيەدە مىلادىدىن ئىلگىرى Ⅱ ئەسىردە ئىسپانىيەنىڭ نۇرمىنسىيا شەھىرىدىكى خەلقنىڭ قەدىمكى رىم ئىستېلاچىلىرىغا قەتئىي تىز پۈكمەي قارشى تۇرغانلىقى ھەققىدىكى ھېكايىلەر تەسۋىرلەنگەن. بۇنىڭدىن باشقا غايىۋى رومانى <گالېتىيا>، داستان <بالناس ساياھىتى>، سەككىز يېڭى كومىدىيە ۋە سەككىز قىستۇرما تىياتىر توپلىمى ۋە باشقىلار بار.